Беларуска-латвійскі бізнес-форум пройдзе 29 лістапада ў Віцебску, паведамілі карэспандэнту БЕЛТА ў Віцебскім абласным цэнтры маркетынгу.
Беларуска-латвійскі бізнес-форум пройдзе 29 лістапада ў Віцебску, паведамілі карэспандэнту БЕЛТА ў Віцебскім абласным цэнтры маркетынгу.
У складзе латвійскай дэлегацыі ў Віцебск прыбудуць прадстаўнікі кіраўніцтва органаў дзяржаўнага кіравання, пасольства Латвіі ў Беларусі, бізнес-арганізацый і прадпрыемстваў, занятых у сферы лёгкай прамысловасці, дрэваапрацоўкі, транспарту і лагістыкі, фінансаў і гандлю. Са сваімі беларускімі калегамі яны абмяркуюць шырокае кола пытанняў гандлёва-эканамічнага, інвестыцыйнага і міжрэгіянальнага ўзаемадзеяння. Запланавана падпісанне дагавораў аб супрацоўніцтве.
Мерапрыемства праводзіцца з мэтай развіцця эканамічнага супрацоўніцтва і наладжвання бізнес-кантактаў паміж прадпрымальнікамі Віцебскай вобласці і Латвіі, прыцягнення інвестыцый, актывізацыі двухбаковага супрацоўніцтва, а таксама павышэння інвестыцыйнай і інавацыйнай прывабнасці паўночнага рэгіёну.