Беларусы могуць прыняць удзел у выбары лепшых тавараў рэспублікі-2016, паведамілі БЕЛТА ў прэс-службе Дзяржстандарта.
Беларусы могуць прыняць удзел у выбары лепшых тавараў рэспублікі-2016, паведамілі БЕЛТА ў прэс-службе Дзяржстандарта.
Для ўдасканалення ўмоў правядзення конкурсу "Лепшыя тавары Рэспублікі Беларусь-2016" і крытэрыяў ацэнкі тавараў, заяўленых на ўдзел, пастановай Дзяржстандарта была зацверджана новая Інструкцыя аб парадку правядзення конкурсу і заахвочвання пераможцаў. У адпаведнасці з ёй спажыўцы могуць пакінуць свае водгукі ў дачыненні да арганізацый і якасці іх прадукцыі і паслуг, якія паспяхова прайшлі першы (абласны) этап конкурсу і сталі фіналістамі.
Паступіўшыя водгукі рэспубліканская конкурсная камісія будзе ўлічваць пры падвядзенні канчатковых вынікаў конкурсу на другім (рэспубліканскім) этапе.
Каб накіраваць водгук, трэба скарыстацца спасылкай http://quality.gskp.by, выбраць намінацыю ("Харчовыя тавары", "Прамысловыя тавары для насельніцтва і вырабы народных промыслаў", "Прадукцыя вытворча-тэхнічнага прызначэння", "Паслугі насельніцтву") і націснуць кнопку "Падабаецца" ці "Не падабаецца". Таксама можна накіраваць свае водгукі ў сакратарыят камісіі да 5 снежня на e-mail: ntc@belgiss.by.
Конкурс "Лепшыя тавары Рэспублікі Беларусь" садзейнічае выяўленню якасных, бяспечных і канкурэнтаздольных тавараў і паслуг, у тым ліку новых відаў, а таксама іх прасоўванню на ўнутраны і знешні рынкі. Ён аб'яўляецца штогод, пачынаючы з 2002 года, па ініцыятыве Дзяржстандарта, абласных выканаўчых камітэтаў і Мінгарвыканкама.