7 ліпеня славяне адзначаюць адно з самых загадкавых і магічных святаў «Івана Купала».
Ноч напярэдадні Івана Купалы – асаблівая, казачная, чарадзейная. У гэту ноч нашы продкі купаліся ў азёрах і рэках, скакалі праз вогнішчы і збіралі лекавыя травы. Традыцыі жывыя, шануюцца, выконваюцца і у наш час. Свята праходзіць весела, дружна, вось толькі яшчэ і вельмі важна, каб яно праходзіла бяспечна.
ПАСТУЛАТЫ КУПАЛЬСКАЙ БЯСПЕКІ:
I пастулат: водны
Па паданні вада ў вадаёмах на Купалле становіцца лекавай, набывае асаблівыя, магічныя ўласцівасці. Таму многія з задавальненнем акунаюцца ў вадаём. Аднак, для таго, каб русалкі і вадзянікі не ўцягнулі на дно рачное, неабходна строга выконваць правілы Забараняецца:
- Купацца ў стане алкагольнага ап'янення;
- Заплываць за знакі агароджы і папераджальныя знакі;
- Купацца і ныраць у забароненых і невядомых месцах;
- Скакаць у ваду з дамбаў, прыстаняў, катэраў, лодак, плытоў;
- Дапускаць свавольствы, звязаныя з ныраннем і захопам канечнасцей купаючыхся, узбірацца на буі і іншыя тэхнічныя збудаванні;
- Пакідаць дзяцей ля вады без нагляду.
II пастулат: вогненны
У гэту чароўную ноч лекавыя ўласцівасці набывае і агонь: па паданні, ён здымае сурокі і адганяе нячысць. У ноч напярэдадні Купалы нашы продкі выбіралі сабе пару і скакалі, узяўшыся за рукі праз вогнішча. Калі ўслед пары паляцяць іскры і іх рукі не раз'яднаюцца падчас скачка - значыць быць вяселлю. Хто ж вышэй скакне, той будзе шчаслівейшы.
Невядома, жаданне ці быць шчаслівым кіравала 35-гадовым жыхаром вёскі Зарэчча Смалявіцкага раёна, калі 6 ліпеня 2016 у 11 гадзін вечара ён, пераскокваючы праз вогнішча, атрымаў апёкі 80 % цела.
Таму куды «шчаслівей» назіраць за полымем вогнішча з бяспечнай адлегласці. І ні ў якім разе не скакаць праз яго, асабліва знаходзячыся пад дурманам «зялёнага змея», «калі і мора па калена, і агонь па лодыжку».
Дарэчы, вогнішча таксама неабходна распальваць па правілах:
Па-першае, не рабіце гэтага ў сухім лесе ці на тарфяніку, у хваёвых маладняках (ігліца – выдатны гаручы матэрыял), пад лініямі электраперадач. Па-другое, вогнішча павінна размяшчацца на ачышчанай ад верхняга слоя глебы пляцоўцы, адлегласць ад якой павінна быць не менш за 10 метраў да будынкаў, 20 метраў да ляснога масіву і 30 метраў да акопаў сена і саломы. Па-трэцяе, абкладзіце вогнішча камянямі ці іншым неагрэсіўным матэрыялам. І, па-чацвёртае, сыходзячы, не забудзьцеся яго патушыць. Заліце вогнішча, пасля чаго разгрэбіце попел і пераканайцеся, што пад ім не засталося тлеючых вугольчыкаў. Пачакайце, пакуль перастане ісці дым.
III постулат: масавы.
Вядома ж, усімі любімае народнае свята суправаджаецца масавымі гуляннямі, ваджэннем карагодаў, песнямі, танцамі, гульнямі.
Самае небяспечнае, што можа здарыцца пры вялікім зборы людзей, псіхолагі называюць феноменам неўсвядомленага эмацыйнага заражэння. Людзі, ахопленыя панікай, губляюць індывідуальнасць, становяцца часткай разбуральнай сілы. І тут галоўнае – не прапусціць момант, калі натоўп з добразычліва настроенага ператвараецца ў агрэсіўны. Адбываецца гэта вельмі рэзка і хутка.
Калі вы апынуліся ў натоўпе: ніколі не ідзіце супраць натоўпу, старайцеся пазбягаць цэнтра і краёў натоўпу; пазбягайце нерухомых прадметаў на шляху: урны, слупы, дрэвы, агароджы, машыны ачаплення, вуглы будынкаў, а таксама шкляныя вітрыны, агароджальныя сеткі, набярэжныя, масты, вузкія праходы; не чапляйцеся рукамі за прадметы; зашпіліце адзенне, кіньце сумку, парасон, скіньце туфлі на высокім абцасе; у шчыльным натоўпе ўзрастае верагоднасць здушэння і задухі, таму варта счэпіць рукі ў замок, скласці іх на грудзях, абараніць дыяфрагму або сагнуць рукі ў локцях і прыціснуць іх да корпуса; штуршкі пераносіце цярпліва, не адказвайце на іх; не спрабуйце падняць з зямлі ўпалае рэч, нават калі яна вельмі дарагая, жыццё даражэй; не панікуйце, кантралюйце сваё становішча, старайцеся выбрацца з натоўпу ў бяспечнае месца;
Весяліцеся, адпачывайце, атрымлівайце асалоду, шукайце і знаходзьце «папараць-кветку», але і пра бяспеку НЕ ЗАБЫВАЙЦЕ!!!!
