Для дзяцей летні перыяд нясе ў сабе радасць, магчымасць загараць і купацца, весяліцца з сябрамі і праводзіць шмат часу на вуліцы, паехаць у аздараўленчы лагер ці да бабулі ў вёску. Для дарослых жа гэта час хваляванняў і вялікай адказнасці. Бо самае галоўнае – не дапусціць, каб з дзіцем нешта здарылася. Таму лепельскія ратавальнікі прапануюць яшчэ раз успомніць пра небяспекі, якія могуць падсцерагаць дзяцей, і разам паспрабаваць пазбегнуць непрыемнасцей.

Першая небяспека – гэта агонь. Галоўнае, што трэба патлумачыць дзецям – запалкі і запальніцы служаць для гаспадарчых спраў, але ніяк не для гульні. Нават маленькая іскра можа прывесці да вялікай бяды ў любым месцы, дома і на вуліцы. Замацоўвайце з дзецьмі правілы пажарнай бяспекі, нагадвайце дзіцяці нумары экстранных службаў і як іх выклікаць.
Вечны праціўнік агню – вада. Але і яна можа несці небяспеку. Большасць сем'яў аддаюць перавагу праводзіць гарачыя летнія дні на пляжах вадаёмаў – возера, рака, мора. Дарослыя і малыя з задавальненнем купаюцца і загараюць, дыхаюць свежым паветрам. Тут жа галоўная ўмова бяспекі дзіцяці – купацца ў суправаджэнні кагосьці з дарослых. Неабходна патлумачыць дзецям, чаму не варта купацца ў незнаёмым месцы і адпраўляцца без дарослых на вадаёмы. Дно ракі, возера можа таіць нямала небяспек: затопленая карэнне, вострыя аскепкі, халодныя ключы і глыбокія ямы. Таксама дзеці павінны цвёрда засвоіць, што гульні на вадзе небяспечныя, катэгарычна забараняецца ныраць у не прызначаных для гэтага месцах, не варта далёка заплываць на надуўных матрацах і кругах, падаваць ілжывыя сігналы аб дапамозе.
Не варта пакідаць без увагі і гульні ў пясчаных кар'ерах, а таксама на будаўнічых пляцоўках і неэксплуатаваных будынках. Штогод у зводках ратавальнікаў фіксуюцца выпадкі засыпання пяском падлеткаў у кар'ерах. Дзеці павінны выразна ведаць, што гульні на пясчаніках – табу. Будаўнічыя пляцоўкі і «заброшкі» таксама прыцягваюць увагу. Менавіта ў такіх будынПадзенне дзіцяці з акна – гэта адна з самых цяжкіх і,
на жаль, нярэдкіх трагедый.
Як правіла, сцэнарый падобны: дзіця застаецца без нагляду, забіраецца на падваконнік па мэблі, адкрывае акно, абапіраецца
на маскітную сетку – і выпадае.
Каб прадухіліць падобныя сітуацыі:
- усталёўвайце блакіратары або фіксатары на вокны;
- па магчымасці выкарыстоўвайце абмежавальнікі адчынення;
- прыбірайце ад вокнаў мэблю і любыя прадметы, па якіх дзіця можа забрацца на падваконнік;
- не спадзявайцеся на маскітныя сеткі – яны не ўтрымліваюць дзіцяці;
- не пакідайце маленькае дзіця адно ў пакоі з адкрытым акном.
Не менш важна, каб дзіця ведала, куды звярнуцца па дапамогу ў выпадку небяспекі. Як правіла, на вадаёмы, у кар'еры і іншыя небяспечныя для гульняў месцы дзеці адпраўляюцца ўдваіх ці кампаніяй. Калі адзін трапляе ў бяду, вельмі важна, каб астатнія не спрабавалі збегчы і кінуць таварыша ў небяспецы, а аператыўна паведамілі пра здарэнне ратавальнікам па тэлефонах 101 ці 112 і патлумачылі, куды менавіта трэба накіраваць дапамогу. Самастойна вызваляць сябра з пасткі можа быць небяспечна для жыцця абодвух.
Паважаныя бацькі! Вакацыі – цудоўны час для адпачынку, пазітыўных эмоцый, яркіх уражанняў. Але гэта і самы траўманебяспечны перыяд для дзяцей. Таму зрабіце ўсё, каб уберагчы сваё дзіця ад непрыемнасцей. Паспрабуйце максімальна забяспечыць бяспеку вашага адпачынку, будзьце побач са сваімі дзецьмі і беражыце іх!