У рамках 2 этапа рэспубліканскай акцыі «Бяспека ў кожны дом!» работнікі Лепельскага раённага аддзела па надзвычайных сітуацыях правялі прафілактычныя мерапрыемствы з вучнямі выпускных класаў сярэдніх школ горада Лепеля і Лепельскага раёна.
У рамках 2 этапа рэспубліканскай акцыі «Бяспека ў кожны дом!» работнікі Лепельскага раённага аддзела па надзвычайных сітуацыях правялі прафілактычныя мерапрыемствы з вучнямі выпускных класаў сярэдніх школ горада Лепеля і Лепельскага раёна.
Рабяты разам з прадстаўніком МНС абмеркавалі паслядоўнасць дзеянняў у выпадку ўзнікнення надзвычайных сітуацый, паўтарылі меры бяспекі на лёдзе, паўдзельнічалі ў конкурснай праграме. Захапляльная і цікавая віктарына «Дзе логіка?» так спадабалася рабятам, што яны, адгадваючы зашыфраваныя слайды са словамі, стараліся быць заўсёды першымі ў адказе. А пасля кожнага адказу інспектар раскрываў тэму задання, прыводзіў выпадкі пажараў, што адбыліся па гэтай прычыне, і даваў рэкамендацыі, каб не дапусціць падобнага.
У рамках мерапрыемства ўдалося абмеркаваць карысць аўтаномнага пажарнага апавяшчальніка і ўзгадаць нумар выкліку службы выратавання. Рабяты прадумалі, якія прадметы, што ёсць пад рукой кожны дзень, могуць спатрэбіцца для тушэння ўзнікшага ўзгарання, а таксама абмеркавалі, чым яны небяспечныя.
З цікавасцю рабяты паслухалі пра карысць мабільнага дадатку «МНС Беларусі. Дапамога побач», многія рабяты ўсталявалі яго на свае гаджэты прама падчас мерапрыемства.
На памяць аб сустрэчы з ратавальнікам рабяты атрымалі буклет рэспубліканскай акцыі.
