На другім этапе рэспубліканскай акцыі «Бяспечны Новы год!» лепельскія ратавальнікі правялі прафілактычныя мерапрыемствы ў ДУА «Гімназія ім. І.М.Ерашова» і ў ДУДА «Лепельскі цэнтр дзіцячай творчасці».
На другім этапе рэспубліканскай акцыі «Бяспечны Новы год!» лепельскія ратавальнікі правялі прафілактычныя мерапрыемствы ў ДУА «Гімназія ім. І.М.Ерашова» і ў ДУДА «Лепельскі цэнтр дзіцячай творчасці». У перыяд святкавання калядных і навагодніх святаў павялічваецца колькасць пажараў і траўм у дзяцей і дарослых з-за таго, што яны парушаюць правілы бяспекі, таму супрацоўнікі МНС акцэнтавалі ўвагу школьнікаў на правілах выкарыстання піратэхнічных вырабаў, навагодніх гірлянд і правілах паводзін у зімовы перыяд на вадаёмах. Для прыцягнення ўвагі дзяцей да пытанняў бяспекі і лепшага ўспрымання навучальных матэрыялаў з дзецьмі праводзіліся займальныя конкурсы і гульні, з дапамогай якіх дзеці навучыліся бяспечна ўпрыгожваць навагоднюю елку, тушыць пажар на пачатковай стадыі, успомнілі нумары выкліку экстранных службаў. Акрамя таго, з гімназістамі практычна адпрацаваны план эвакуацыі з будынка школы. Актыўным удзельнікам мерапрыемстваў уручаліся памяткі «Бяспечнае дзяцінства». У канцы сустрэчы ратавальнікі пажадалі дзецям бяспечных святаў, а яны, у сваю чаргу, паабяцалі выконваць правілы бяспекі і ўважліва сачыць, каб і іх бацькі выконвалі дадзеныя правілы.