Падзяка Прэзідэнта Беларусі абвешчана работнікам розных сфер дзейнасці. Адпаведнае распараджэнне №147рп Прэзідэнт Беларусі Аляксандр Лукашэнка падпісаў 21 верасня, паведамілі БЕЛТА ў прэс-службе кіраўніка дзяржавы.
Падзяка Прэзідэнта Беларусі абвешчана работнікам розных сфер дзейнасці. Адпаведнае распараджэнне №147рп Прэзідэнт Беларусі Аляксандр Лукашэнка падпісаў 21 верасня, паведамілі БЕЛТА ў прэс-службе кіраўніка дзяржавы.
За шматгадовую плённую працу, высокі прафесіяналізм, актыўны ўдзел у ліквідацыі наступстваў урагану ў Мінскай вобласці Падзякі Прэзідэнта ўдастоены супрацоўнікі прадпрыемстваў лясной гаспадаркі, сярод іх машыніст лесанарыхтоўчай машыны Гарадоцкага лясгаса Дзяніс Буруноў, дырэктар Гомельскага лясгаса Ігар Дзегцярык, галоўны інжынер Старадарожскага доследнага лясгаса Генадзь Шутро.
За шматгадовую плённую працу, значны асабісты ўклад у ўдасканаленне заканадаўства, актыўную дзейнасць па рэалізацыі дзяржаўнай палітыкі ў галіне права Падзяка абвешчана дырэктару Нацыянальнага цэнтра прававой інфармацыі Яўгену Каваленку і намесніку начальніка аддзела грамадзянскага, гаспадарчага і экалагічнага заканадаўства ўпраўлення заканадаўства аб грамадзянскіх, фінансава-эканамічных і экалагічных адносінах Нацыянальнага цэнтра заканадаўства і прававых даследаванняў Міхаілу Аношку.
Падзяка абвешчана таксама генеральнаму дырэктару Мінскага трактарнага завода Фёдару Даматэнку за шматгадовую плённую працу ў машынабудаўнічай сферы, значны асабісты ўклад у развіццё беларускага трактарабудавання.
Намеснік старшыні Віцебскага аблвыканкама Уладзімір Белавус і дырэктар прадпрыемства "Інстытут Віцебскграмадзянпраект" Наталля Косабука ўдастоены Падзякі за шматгадовую плённую працу, значны асабісты ўклад у будаўніцтва інжынерна-транспартнай інфраструктуры, добраўпарадкаванне гарадскога пасёлка Копысь Аршанскага раёна.