15 сакавіка, Віцебск /Вольга Багачова - БЕЛТА/. Бой пеўняў пройдзе на масленічных гуляннях у Віцебску, паведамілі карэспандэнту БЕЛТА ў Культурна-гістарычным комплексе "Залатое кальцо горада Віцебска "Дзвіна".
Удзельнікамі народнай забавы змогуць стаць усе жадаючыя. У адпаведнасці з гульнёй двум супернікам - "пеўням" - трэба будзе біцца падушкамі на бервяне. Мэта кожнага з іх - скінуць праціўніка. "Як і ў даўнія часы, гэты жартаўлівы бой карыстаецца велізарнай папулярнасцю і выклікае зусім нежартаўлівыя запалы", - адзначылі спецыялісты, дадаўшы, што на Масленіцу ў культурна-гістарычным комплексе адбудзецца маса іншых вясёлых спартыўных спаборніцтваў, конкурсаў.
Акрамя таго, наведвальнікі свята змогуць убачыць гістарычную тэатралізаваную пастаноўку, выступленне творчых калектываў, пакатацца на конях і поні, пазнаёміцца з цікавымі выстаўкамі, якія працуюць цяпер у "Дзвіне", пакаштаваць бліноў. Кульмінацыяй свята стане спальванне пудзіла зімы.
Шырокія масленічныя гулянні збяруць гасцей і жыхароў абласнога цэнтра на маючых адбыцца выхадных. 16 сакавіка культурна-спартыўнае свята "Масленіца" будзе арганізавана ў пойме ракі Віцьба і на пляцоўцы ля Палаца культуры ў гарадскім пасёлку Руба. 17 сакавіка народныя гулянні адбудуцца ў Культурна-гістарычным комплексе "Залатое кальцо горада Віцебска "Дзвіна" і комплексе культурна-масавага адпачынку імя Савецкай арміі. У апошнім таксама падрыхтавана цікавая праграма адпачынку, будуць працаваць пракат лыж і санак, выязны гандаль.-0-