Больш за 10,5 тыс. ветэранаў і інвалідаў атрымалі летась дапамогу ў рамонце кватэр, дамоў, надворных пабудоў, печаў, электраправодак, сантэхнічнага, газавага, электратэхнічнага абсталявання, устаноўцы пажарных апавяшчальнікаў на агульную суму Br12,9 млрд. Пра гэта паведамілі карэспандэнту БЕЛТА ў Міністэрстве працы і сацыяльнай абароны.

Больш за 10,5 тыс. ветэранаў і інвалідаў атрымалі летась дапамогу ў рамонце кватэр, дамоў, надворных пабудоў, печаў, электраправодак, сантэхнічнага, газавага, электратэхнічнага абсталявання, устаноўцы пажарных апавяшчальнікаў на агульную суму Br12,9 млрд. Пра гэта паведамілі карэспандэнту БЕЛТА ў Міністэрстве працы і сацыяльнай абароны.

Па словах спецыялістаў, ва ўсіх населеных пунктах рэспублікі, уключаючы самыя аддаленыя і малазаселеныя, праводзяцца абследаванні ўмоў жыцця ветэранаў Вялікай Айчыннай вайны, асоб, пацярпелых ад наступстваў войнаў, адзінокіх пажылых людзей, інвалідаў першай і другой групы. Такая праца прадугледжана падпраграмай "Сацыяльная падтрымка ветэранаў, асоб, пацярпелых ад наступстваў войнаў, пажылых людзей і інвалідаў" Комплекснай праграмы развіцця сацыяльнага абслугоўвання на 2011-2015 гады. У ходзе абследаванняў выяўляецца патрэбнасць у розных відах дапамогі. Па выніках 2014 года былі абследаваны ўмовы жыцця 213,2 тыс. прадстаўнікоў дадзенай катэгорыі, з іх 17,8 тыс. ветэранаў Вялікай Айчыннай вайны; 25,9 тыс. грамадзян, пацярпелых ад наступстваў войнаў; 135,4 тыс. адзінокіх пажылых людзей; 21 тыс. адзінокіх інвалідаў першай і другой групы.

Дадатковую матэрыяльную дапамогу са сродкаў Фонду сацыяльнай абароны насельніцтва атрымалі ў мінулым годзе 82,2 тыс. чалавек на суму Br35,3 млрд, са сродкаў мясцовых бюджэтаў - 17,5 тыс. чалавек на суму Br50,3 млрд. Мясцовымі выканаўчымі і распарадчымі органамі аказана дапамога 615 ветэранскім арганізацыям у фінансаванні праводзімых імі мерапрыемстваў.

Да 70-годдзя вызвалення Беларусі ад нямецка-фашысцкіх захопнікаў аднаразовую матэрыяльную дапамогу атрымалі 50,1 тыс. ветэранаў і асоб, пацярпелых ад наступстваў вайны. Сума выплат склала Br235,9 млрд.

Як ужо паведамлялася БЕЛТА, на 1 студзеня бягучага года ў рэспубліцы пражывалі 17,8 тыс. ветэранаў Вялікай Айчыннай вайны, у тым ліку 12 тыс. інвалідаў і ўдзельнікаў ВАВ, а таксама 27,9 тыс. грамадзян, пацярпелых ад наступстваў войнаў.

Навіны Беларусі (БЕЛТА)