9 студзеня, Віцебск /Вольга Багачова - БЕЛТА/. Больш за 1,5 тыс. кірмашоў прайшло ў снежні ў Віцебскай вобласці, паведамілі карэспандэнту БЕЛТА ва ўпраўленні гандлю і паслуг Віцебскага аблвыканкама. Выставы-продажы, пашыраныя продажы і распродажы тавараў па зніжаных цэнах праводзіліся ў абласным цэнтры, буйных гарадах і раённых цэнтрах вобласці. У цэлым праведзена больш за 300 кірмашоў па продажы нехарчовых і звыш 1,3 тыс. - харчовых тавараў. Таксама ў снежні было арганізавана больш за 150 рэкламных акцый з уручэннем падарункаў, сувеніраў, правядзеннем рэкламных гульняў з розыгрышам прызоў, каля 300 выстаў-продажаў кулінарных, мучных, кандытарскіх і булачных вырабаў. У гарадах і раёнах адбылося каля 200 калядных і навагодніх кірмашоў, на якіх жыхарам рэгіёну быў прапанаваны шырокі асартымент прадуктаў харчавання і нехарчовых тавараў. Тавараабарот кірмашоў склаў Br5,2 млрд. Напярэдадні святаў гандлёвымі прадпрыемствамі рэгіёну былі забяспечаны дастатковыя запасы прадуктаў харчавання, у тым ліку шампанскага, кандытарскіх вырабаў, падарункавых набораў, а таксама навагодніх тавараў. Так, асартымент цацак і навагодніх упрыгожванняў уключае больш за 1 тыс. найменняў, каля 50 - карнавальных касцюмаў, больш за 100 відаў штучных елкі і соснаў. Пры гэтым на ёлачных базарах жыхары вобласці набылі каля 40 тыс. жывых навагодніх дрэў на суму звыш Br1 млрд. Многія прадпрыемствы ў снежні працавалі па гнуткіх сістэмах скідак і зніжэння гандлёвых надбавак. Напрыклад, магазін ААТ "Стужка" на асобныя віды тавараў зніжаў адпускныя цэны да 75%. У гандлёвых аб'ектах ТАА "Парфумы Трэйд" прадастаўляліся зніжкі са зніжэннем гандлёвых надбавак на 15% на ўвесь асартымент рэалізуемай прадукцыі. Таксама праводзіліся акцыі, накіраваныя на малазабяспечаныя катэгорыі грамадзян.-0-

БЕЛТА