14 верасня, Віцебск /Вольга Багачова - БЕЛТА/. Больш за 20 праграм, якія рэалізуюцца ў Віцебскай вобласці, накіраваны на фарміраванне ў насельніцтва здаровага ладу жыцця. Аб гэтым заявіў сёння на адкрыцці IV спецыялізаванай выстаўкі-кірмашу "Віцебшчына - за здаровы лад жыцця-2011" начальнік упраўлення аховы здароўя Віцебскага аблвыканкама Юрый Дзеркач, паведамляе карэспандэнт БЕЛТА. "Абласныя праграмы "Чыстая вада", па развіцці прыдарожнага сэрвісу, інтэнсіфікацыі раслінаводства і многія іншыя праз рэалізацыю пэўнага комплексу мерапрыемстваў ставяць перад сабой мэту павысіць узровень і якасць жыцця людзей, а адпаведна, і іх здароўе", - падкрэсліў Юрый Дзеркач. Касаючыся правядзення кірмашоў здароўя, масавых спартыўна-забаўляльных мерапрыемстваў з удзелам розных катэгорый грамадзян, начальнік упраўлення нагадаў, што ўсе яны ставяць перад сабой задачу прыцягнуць увагу насельніцтва да пытанняў падтрымання ўласнага здароўя як найвышэйшай каштоўнасці, матываваць весці здаровы лад жыцця і атрымаць як мага больш інфармацыі па гэтым пытанні. "І мы бачым узрастаючую цікавасць людзей да такіх мерапрыемстваў", - адзначыў ён. Удзельнікамі выстаўкі-кірмашу "Віцебшчына - за здаровы лад жыцця-2011" сталі больш за 50 прамысловых прадпрыемстваў, лячэбных, адукацыйных і грамадскіх арганізацый Віцебска. Сфарміраваная выставачны экспазіцыя дае магчымасць атрымаць уяўленне аб шырокім спектры прадукцыі і паслуг, якія спрыяюць здароваму ладу жыцця. Пры жаданні наведвальнікі могуць атрымаць кансультацыі кардыёлага, педыятра, эндакрынолага, алерголага, анкалога, стаматолага і іншых спецыялістаў, аформіць пашпарт здароўя, зрабіць запіс ЭКГ або вымераць артэрыяльны ціск. Правядзенне выстаўкі будзе суправаджацца шматлікімі прэзентацыямі тавараў і паслуг яе ўдзельнікаў. Арганізатарамі выстаўкі-кірмашу выступаюць абласны цэнтр гігіены, эпідэміялогіі і грамадскага здароўя, Віцебскае аддзяленне БелГПП пры падтрымцы Віцебскага аблвыканкама.-0-

БЕЛТА