30 красавіка, Віцебск /Дзіяна Курыло - БЕЛТА/. Больш за 2,1 тыс.л сланечнікавага алею на Br31 млн. канфіскавана ў прадпрыемства ў Глыбоцкім раёне, паведамілі карэспандэнту БЕЛТА ў прэс-цэнтры інспекцыі МПЗ па Віцебскай вобласці. Інспекцыя МПЗ Рэспублікі Беларусь па Глыбоцкім раёне пры правядзенні пазапланавай тэматычнай аператыўнай праверкі аднаго з акцыянерных таварыстваў на складзе выявіла тавар - 2140 л рафінаванага сланечнікавага алею. Праверачным былі прадстаўлены дагавор пастаўкі алею, заключаны з прыватным гандлёвым прадпрыемствам, таварна-транспартная накладная, а таксама іншыя дакументы, якія пацвярджаюць якасць і бяспеку алею. Аднак падчас кантрольных мерапрыемстваў супрацоўнікі інспекцыі МПЗ па Глыбоцкім раёне сумесна з праваахоўнымі органамі ўстанавілі, што таварна-транспартная накладная не мае юрыдычнай сілы. Дырэктар прыватнага гандлёвага прадпрыемства не пацвердзіў факт заключэння дагавора з акцыянерным таварыствам пастаўкі па ўказанай накладной алею, а пункт пагрузкі, паказаны ў накладной, не адпавядае рэчаіснасці. Пастановай Гаспадарчага суда Віцебскай вобласці акцыянернае таварыства прыцягнута да адміністрацыйнай адказнасці ў выглядзе штрафу ў памеры Br3 млн. з канфіскацыяй тавару. У першым квартале 2012 года падатковыя інспекцыі Віцебскай вобласці правялі больш за 860 выніковых пазапланавых тэматычных аператыўных праверак. Па іх выніках даналічана больш за Br29 млн. падаткаў, звернута ў даход дзяржавы таварна-матэрыяльных каштоўнасцей і грашовых сродкаў на Br0,9 млрд. Устаноўлена 35 парушэнняў заканадаўства, якое рэгулюе парадак набыцця, транспарціроўкі і рэалізацыі тавараў. У сувязі з адсутнасцю ў суб'ектаў прадпрымальніцкай дзейнасці дакументаў, якія пацвярджаюць набыццё або адпуск тавараў для рэалізацыі, канфіскавана таварна-матэрыяльных каштоўнасцей больш чым на Br760 млн. Акрамя таго, ім давядзецца выплаціць штрафаў больш чым на Br40 млн.-0-

БЕЛТА