У паўночным рэгіёне плануюць правесці мадэрнізацыю службы хуткай дапамогі і практычна да 2025 года завяршыць працэс умацавання матэрыяльна-тэхнічнай базы службы. "Плануем і замену ўсіх машын, у якіх звыш 100% эксплуатацыі, на новыя аўтамабілі з медыцынскім абсталяваннем згодна з табелем аснашчэння машын хуткай дапамогі", - сказаў галоўны ўрач.
Паводле яго слоў, сёлета на Віцебшчыне маюць намер замяніць 33 аўтамабілі хуткай дапамогі. Усяго ж у парку машын службы іх знаходзіцца 140, замена ў далейшым працягнецца. Віктар Гамонаў растлумачыў, што аўтапарк мае патрэбу ў абнаўленні амаль штогод, паколькі дэталі транспартнага сродку зношваюцца, адпаведна машына губляе першапачатковыя тэхнічныя характарыстыкі.
Галоўны ўрач абласнога цэнтра хуткай медыцынскай дапамогі нагадаў, што раней у студзені абнавілі аўтапарк Аршанскага міжраённага цэнтра хуткай і неадкладнай медыцынскай дапамогі. У снежні такія машыны з'явіліся таксама ў Наваполацку і Полацку - па дзве на горад. План на 2022-2024 гады прадугледжвае набыццё 18 аўтамабіляў хуткай дапамогі. Орша, Полацк і Наваполацк да канца года атрымаюць яшчэ па два транспартныя сродкі. Летась, па словах галоўнага ўрача, цалкам быў абноўлены аўтапарк для аддзяленняў у Чашніцкім, Талачынскім і Дубровенскім раёнах.
Крыніца: vitebsk-region.gov.by