Будзьце гатовыя да складаных умоў надвор'я

Па паведамленні Белгідрамета, 22 красавіка (панядзелак) уночы і раніцай у
Віцебскай вобласці чакаюцца моцныя ападкі (дождж, мокры снег), днём –
узмацненне заходняга ветру парывамі 15-18 м/с.

Вадзіцелям важна выбіраць найбольш бяспечную хуткасць, дыстанцыю і
бакавы інтэрвал. Не дапускаць рэзкіх манеўраў і непрадказальных паводзін, асабліва пры праездзе пешаходных пераходаў і скрыжаванняў, закругленняў дарог. Варта прышпіліцца самім і забяспечыць бяспечную перавозку пасажыраў, асабліва дзяцей.

Ва ўмовах дрэннай бачнасці ўсім важна зрабіць сябе заўважнымі на дарозе:
вадзіцелям уключыць святло фар, пешаходам абазначыць сябе флікерамі.

Пры пераходзе праезнай часткі варта быць максімальна ўважлівымі, глядзець па баках, пачынаць пераход, толькі пераканаўшыся, што вадзіцелі вас заўважылі і паспелі спыніць транспартны
сродак.