У Беларусі у новай рэдакцыі выкладзены нарматыўныя прадпісанні аб дзяржаўнай рэгістрацыі і ўліку транспартных сродкаў.
Грамадзянам і суб'ектам гаспадарання дазволена ажыццяўляць агляд транспартных сродкаў у любым рэгістрацыйным падраздзяленні Дзяржаўтаінспекцыі, незалежна ад месца размяшчэння падраздзялення, у якім рэгістрацыйныя дзеянні будуць ажыццяўляцца. Акрамя таго, калі аўтамабіль прайшоў агляд, то ён дзейнічае на працягу 30 дзён для ажыццяўлення ўсіх рэгістрацыйных дзеянняў.Выключана неабходнасць звароту прадстаўнікоў суб'ектаў гаспадарання ў ваенныя камісарыяты для ўліку транспарту ў інтарэсах мабілізацыйнай патрэбы.
Вызначаны парадак ажыццяўлення дзяржаўнай рэгістрацыі транспартных сродкаў, вырабленых у выніку індывідуальнай творчасці.
Прыведзены ў адпаведнасць з патрабаваннямі Грамадзянскага кодэкса Рэспублікі Беларусь асаблівасці рэгістрацыі транспартных сродкаў, калі ўласнікамі з'яўляюцца асобы, якія не дасягнулі 14-гадовага ўзросту, і асобы ва ўзросце ад 14 да 18 гадоў.
Пастанова Савета Міністраў №691 ад 28 лістапада 2025 года афіцыйна апублікавана на Нацыянальным прававым інтэрнэт-партале.