Дзіцячая парусная школа "Вецер дружбы" адкрыецца ў Браславе - гэтая падзея асабліва вылучаецца ў праграме свята "Браслаўскія зарніцы", якое пройдзе 27-28 мая ў райцэнтры, паведамілі карэспандэнту БЕЛТА Браслаўскім райвыканкаме.
Дзіцячая парусная школа "Вецер дружбы" адкрыецца ў Браславе - гэтая падзея асабліва вылучаецца ў праграме свята "Браслаўскія зарніцы", якое пройдзе 27-28 мая ў райцэнтры, паведамілі карэспандэнту БЕЛТА Браслаўскім райвыканкаме.
Міжнароднае свята традыцыйнай культуры "Браслаўскія зарніцы" - гэта культавая падзея, якой сёлета споўніцца 50 гадоў. "Двухдзённая праграма свята як заўсёды будзе насычана разнастайнымі падзеямі, адной з самых яркіх сярод іх стане адкрыццё паруснай школы, якая створана ў Браславе пры падтрымцы пасольства Чэхіі ў Беларусі. На выдзеленыя сродкі былі закуплены 15 невялікіх дзіцячых яхт і пабудаваны ангар для іх размяшчэння на беразе возера Дрывяты. Навучанне дзяцей будзе бясплатным. Набор у групу яшчэ не пачынаўся, цяпер мы чакаем, калі да нас накіруюць інструктара. Аднак ёсць мясцовы энтузіяст-яхтсмен, які да адкрыцця натрэніраваў некалькі хлопцаў. Яны падрыхтавалі для ўсіх паказальнае выступленне. Такім чынам, праз дзесяцігоддзі парусны спорт на Браслаўшчыне будзе адраджацца", - адзначылі ў ФСК "Дрывяціч", на базе якога і будзе існаваць школа.
Яшчэ адным падарункам гораду да юбілею свята стане урачыстае адкрыццё памятнага знака ў гонар 50-годдзя "Браслаўскіх зарніц". Таксама суботняя праграма парадуе яркім стартам фестывальных мерапрыемстваў на пляцоўцы "Брукоўка", шэсцем удзельнікаў свята ад гарадской плошчы ў лясопарк "Ляснічоўка", харавой асамблеяй і тэатралізаваным прадстаўленнем і выступленнем ансамбля з Польшчы, а ўвечары - знаёмствам са сярэднявечнай культурай на Замкавай гары. Фестываль "Меч Брачыслава" сёлета збярэ клубы гістарычнай рэканструкцыі з Беларусі, Літвы і Польшчы, большасць з якіх знаёмыя браслаўчанам і пастаянным гасцям фестывалю. Прышэльцы з эпохі вікінгаў і не толькі ўладкоўваюцца на часовае паселішча і будуць знаёміць усіх са сярэднявечным побытам, пакажуць інсцэніроўку захопу і абароны старажытнага Браслава, правядуць майстар-класы па стральбе з лука і старадаўніх танцах. Тут жа можна будзе падгледзець рытуал здабычы агню старадаўнім спосабам, даведацца, як рабіліся гуслі, паслухаць вядомы мінскі этнаграфічны калектыў PAWA.
У нядзелю гледачоў парадуюць дзіцячыя творчыя калектывы, удзельнікі фестывалю з Беларусі, Арменіі, Літвы, Латвіі, Польшчы, Расіі, Эстоніі, знаёмыя многім ансамблі і артысты беларускай эстрады. Шырокай будзе і забаўляльная праграма на любы ўзрост і густ: выставы-кірмашы і дэгустацыя прадукцыі прадпрыемстваў раёна, горад майстроў, конкурс "Браслаўская юшка" і многае іншае.