З 27 ліпеня па 1 жніўня па ўсёй краіне запланаваны рэйды і масаваныя адпрацоўкі аўтадарог. Дзяржаўтаінспекцыя правядзе мерапрыемствы з мэтай зніжэння траўматызму пры перавозцы пасажыраў, у першую чаргу дзяцей, а таксама з улікам прагназуемых у большасці рэгіёнаў неўстойлівых умоў надвор'я.
У прыярытэце - выяўленне і спыненне парушэнняў, якія з'яўляюцца асноўнымі прычынамі цяжкіх ДТЗ з удзелам асабістага і грамадскага транспарту: невыкананне хуткасных рэжымаў, правілаў абгону, праезду пешаходных пераходаў.
У фокусе ўвагі - кіроўцы сэрвісаў таксі і карыстальнікі каршэрынгу. Інспектары ДАІ прыменяць формы скрытага і змешанага кантролю, а таксама сродкі фота і відэафіксацыі парушэнняў.
Таксама нарады ДПС будуць патруляваць тэрыторыі паблізу месцаў масавага адпачынку грамадзян, пад асаблівы кантроль трапяць аб'екты гандлю, у першую чаргу, якія працуюць у кругласутачным рэжыме.
Паважаныя кіроўцы! Будзьце максімальна ўважлівыя на дарозе, не здзяйсняйце рэзкіх неабдуманых манеўраў, не перавышайце хуткасць, не садзіцеся за руль стомленымі або ў стане ап'янення. Памятайце, што ўсе, хто знаходзіцца ў аўтамабілі, павінны прышпіляцца рамянямі бяспекі, а дзеці - перавозіцца ў спецыяльных утрымліваючых прыладах.