Паўночны рэгіён Беларусі з 28 па 31 жніўня прэзентуе свой эканамічны, навукова-тэхнічны, турыстычны і культурны патэнцыял.
Праграма форуму ўключае дзясяткі мерапрыемстваў розных фарматаў (навукова-практычныя секцыі, круглыя столы, дыялогавыя пляцоўкі і майстар-класы, бізнес-сустрэчы) па напрамках культуры, спорту і турызму, адукацыі, аховы здароўя, сацыяльнай абароны, моладзевай палітыкі.
Вядучыя прадпрыемствы і арганізацыі Віцебскай вобласці прадстаўляюць у Пскоўскім рэгіёне ўласныя распрацоўкі і ўзоры імпартазамяшчальнай прадукцыі. Сярод іх – «Нафтан», ПСВ («Полацк-Шкловалакно»), Аршанскі льнокамбінат, «Віцебскаблгаз», «Белвест», «Віцебскдрэў», «Віцебскія дываны», «Віцязь», СЭЗ «Віцебск». Для расійскіх партнёраў таксама падрыхтаваны інвестыцыйныя прапановы. Так, у павільёнах запланаваны перамовы аб развіцці супрацоўніцтва і пошуку новых напрамкаў узаемадзеяння бізнес-колаў.
У Пскове маюць намер падпісаць шэраг пагадненняў і кантрактаў. У прыватнасці, аб пастаўках у Расію абуткавай прадукцыі СААА «Белвест» на суму больш за 50 млн рублёў з ЗАТ "Белвест Ритейл Москва".
У рамках дзён Віцебскай вобласці ў Пскове пройдзе таксама выстава беларускай буйнагабарытнай тэхнікі МТЗ, МАЗ, "АМКАДАР", "Пажснаб" і "Вітбудтэхмаш".
На выставе-кірмашы можна будзе прадэгуставаць прадукцыю ад віцебскіх вытворцаў.
Таксама Віцебскім аблвыканкамам з урадам Пскоўскай вобласці будуць падпісаны пратакол да пагаднення аб супрацоўніцтве ў эканамічнай, навукова-тэхнічнай, культурнай і гуманітарнай абласцях ад 17 верасня 2015 года аб зацвярджэнні плана мерапрыемстваў на 2024-2026 гады і сам план.
Урачыстае адкрыццё Дзён Віцебскай вобласці намечана на 29 жніўня.