22 лістапада, Віцебск /Сяргей Кочатаў - БЕЛТА/. Запазычанасць плацельшчыкаў Віцебскай вобласці перад бюджэтам павялічылася за кастрычнік больш чым на траціну і на 1 лістапада склала каля Br11,4 млрд. Пра гэта карэспандэнту БЕЛТА паведамілі ў прэс-цэнтры абласной інспекцыі Міністэрства па падатках і зборах. Амаль усю суму запазычанасці (каля Br11,4 млрд.) прыпадае на юрыдычныя асобы розных форм уласнасці, даўгі фізічных асоб - плацельшчыкаў маёмасных падаткаў не перавышаюць Br24 млн. У студзені-кастрычніку падатковыя органы ў прымусовым парадку спагналі ў бюджэт запазычанасць на суму каля Br105 млрд., што складае 2,5% ад агульнай сумы бюджэтных паступленняў за 10 месяцаў. Так, з бягучых і іншых рахункаў суб'ектаў гаспадарання было спісана Br11,1 млрд., таксама ў бюджэт прыцягнута Br86,8 млрд. за кошт спісання дэбіторскай запазычанасці даўжнікоў. У даўжнікоў канфіскавана наяўных грашовых сродкаў у кошт пагашэння запазычанасці на Br3,4 млрд. Усяго за 10 месяцаў у кансалідаваны бюджэт вобласці паступіла амаль Br4,3 трлн. даходаў, у тым ліку плацяжы ў мясцовы бюджэт склалі каля Br2,4 трлн. Выкананне планавых паказчыкаў па даходах забяспечана па кансалідаваным і мясцовым бюджэтах. Дадатковыя даходы бюджэту вобласці за студзень-кастрычнік перавысілі Br80 млрд. У структуры даходаў удзельная вага паступленняў па падатку на дабаўленую вартасць склала каля 31,3% ад агульнага аб'ёму плацяжоў, на акцызы прыпадае 23,2% агульнага аб'ёму даходаў, падаходны падатак - 16,7%, падатак на прыбытак - каля 8%. Найбольшую долю плацяжоў забяспечылі юрыдычныя асобы ўсіх форм уласнасці, якімі сфармавана 95% даходаў бюджэту (у тым ліку дзяржаўнымі прадпрыемствамі 78,7%). Аб'ём падатковых плацяжоў індывідуальных прадпрымальнікаў склаў 2,5% даходаў бюджэту, плацяжы фізічных асоб займаюць каля 2% у агульным аб'ёме даходаў. Усяго ў фарміраванні даходнай часткі бюджэту прымаюць удзел больш за 460 тыс. плацельшчыкаў, у тым ліку больш за 17,3 тыс. юрыдычных асоб, каля 26 тыс. індывідуальных прадпрымальнікаў і больш за 417 тыс. фізічных асоб.-0-

БЕЛТА