Бавяўленне ветэранаў

14 лістапада, Лепель /Соб.інф./. На базе Віцебскага дзяржаўнага медыцынскага ўніверсітэта нядаўна прайшла абласная канферэнцыя «Роля пажылых людзей у сучасным грамадстве і ўмовы рэалізацыі іх патэнцыялу». Віцебская абласная арганізацыя Беларускага таварыства Чырвонага Крыжа ўжо не першы год рэалізуе міні-праекты па гэтай тэме ў рамках праграмы «Умацаванне службы сясцёр міласэрнасці», падтрымку якой аказвае Консорцыум Аўстрыйскага, Нямецкага і Швейцарскага Чырвонага Крыжа.

14 лістапада, Лепель /Соб.інф./. На базе Віцебскага дзяржаўнага медыцынскага ўніверсітэта нядаўна прайшла абласная канферэнцыя «Роля пажылых людзей у сучасным грамадстве і ўмовы рэалізацыі іх патэнцыялу». Віцебская абласная арганізацыя Беларускага таварыства Чырвонага Крыжа ўжо не першы год рэалізуе міні-праекты па гэтай тэме ў рамках праграмы «Умацаванне службы сясёр міласэрнасці», падтрымку якой аказвае Консорцыум Аўстрыйскага, Нямецкага і Швейцарскага Чырвонага Крыжа.

З дакладамі на канферэнцыі выступілі не толькі прадстаўнікі Міністэрства аховы здароўя, Беларускага таварыства Чырвонага Крыжа, але і госці са Швейцарыі. Досведам працы з пажылымі людзьмі падчас анлайн-уключэння падзяліліся і калегі з Балгарыі, Босніі і Герцагавіны.

Прэзентацыю свайго праекта «Верю ў сябе» падрыхтавала і лепельская дэлегацыя – Наталля Іванова, дырэктар Тэрытарыяльнага цэнтра сацыяльнага абслугоўвання насельніцтва, Алена Чувіліна, загадчыца аддзялення кругласутачнага прабывання «Святліца», Зінаіда Багдановіч, старшыня Чырвонага Крыжа Лепельскага раёна.

«Не замест, а разам» - дэвіз праекта ў аддзяленні кругласутачнага прабывання «Святліца». Загадчыца аддзялення Алена Чувіліна знайшла не адно занятак, каб разнастаіць вольны час пажылых людзей – ад вырошчвання лекавых раслін да заняткаў арыгамі. З цікавасцю да гэтай працы далучыліся і валанцёры. Так, Валянціна Ганчар, у мінулым настаўніца малявання і працы, навучае азам папяровага мастацтва - арыгамі. Не шкадуюць свайго асабістага часу і супрацоўнікі «Святліцы» – сацыяльны работнік Валянціна Семіонька і медсястра Жанна Капылова. У дапамозе не адмаўляе і Алена Аўтух, псіхолаг абласной псіхіятрычнай бальніцы.

За ўвесь час існавання гэтага праекта на яго рэалізацыю арганізацыя Чырвонага Крыжа выдзеліла «Святліцы» каля пяці мільёнаў беларускіх рублёў. Перш за ўсё, добраўпарадкавалі пакоі, а цяпер закупляюць неабходны матэрыял для творчасці – напрыклад, ніткі, рамкі для карцін. І не выпадкова.

Творчасцю тут займаюцца ахвотна. Раіса Хоняк – майстар навагодніх упрыгожанняў, вышыўка і вязанне – за Верай Азаронак і Ганнай Галубовіч. Фігуркі з паперы любіць рабіць Павел Калітуха. Прычым, свае працы яны не пакідаюць у «асабістых калекцыях», а дораць жыхарам «Святліцы» на дні нараджэння і іншыя святы. Не аднаго чалавека яны парадавалі сваімі карцінамі, сурвэткамі, вязанымі шкарпэткамі.

Тыя, каму рукадзелле не па душы, у меру сіл працуюць на зямлі, вырошчваюць пакаёвыя расліны. У цяпліцы, калісьці набытай адной з удзельніц праекта спецыяльна для «Святліцы», любяць працаваць Ягор Гатоўка і Рыгор Сільвановіч.

Цяпер у «Святліцы» знаходзіцца 17 чалавек. Калі з'яўляюцца новыя жыхары, пастаяльцы іх хутка прылучаюць да сваёй справы. За імі – толькі вызначыцца з выбарам занятку. Дарэчы, такі вольны час не толькі дае магчымасць пажылым людзям дапамагчы адзін аднаму, але і павышае іх самаацэнку: каго не радуе выгадаваны ўраджай ці звязаны шалік?

Праект «Веру ў сябе» працягваецца, а ў планах тэрытарыяльнага цэнтра запусціць новы – па рабоце з людзьмі з абмежаванымі магчымасцямі ў аддзяленні дзённага знаходжання.

Кацярына АСОЎСКАЯ