31 снежня, Віцебск /Дзіяна Курыло - БЕЛТА/. Двое беларусаў затрыманы сёння ў Смаленску па падазрэнні ў нападзе на таксіста ў Оршы, паведаміў карэспандэнту БЕЛТА начальнік аддзялення інфармацыі і грамадскіх сувязей УУС Віцебскага аблвыканкама Андрэй Семенихін. Сёння каля пятай раніцы ў Аршанскі РАУС звярнуўся мужчына, які працуе таксістам, і паведаміў, што ў першай гадзіне ночы 31 снежня ў яго машыну селі двое мужчын і папрасілі адвезці іх за горад. Затым з прымяненнем сілы яны завалодалі яго грашыма і маёмасцю, а самога кіроўцу выкінулі з машыны і на ёй накіраваліся ў бок тэрыторыі Расійскай Федэрацыі. Адразу ж пасля заявы аб здарэнні аршанскія міліцыянеры звязаліся з калегамі з упраўлення МУС па Смаленскай вобласці Расійскай Федэрацыі і перадалі арыенціроўку на аўтамабіль і падазраваных. Праз некалькі гадзін паліцыянты ў Смаленску выявілі аўтамабіль і затрымалі двух грамадзян Беларусі 1972 і 1991 гадоў нараджэння. Пакуль затрыманыя знаходзяцца ў Смаленску. Прававую ацэнку іх дзеянням дасць Следчы камітэт Беларусі.-0-

БЕЛТА