4 снежня, Віцебск /Дзіяна Курыло - БЕЛТА/. Эфектыўнасць выкарыстання фінансавых рэсурсаў павінна стаць найважнейшым прынцыпам дзейнасці ўсіх суб'ектаў гаспадарання. Такі пункт гледжання ў гутарцы з карэспандэнтам БЕЛТА выказала старшыня пастаяннай камісіі Палаты прадстаўнікоў па бюджэце і фінансах Людміла Дабрыніна, каментуючы аб'яўленне 2013 года ў Беларусі Годам беражлівасці. Задачу па эканомным выкарыстанні фінансаў павінны вырашаць усе прадпрыемствы і ўстановы, незалежна ад формы ўласнасці. Актуальнай яна з'яўляецца і для бюджэтных арганізацый, лічыць дэпутат. "Кошт грошай у цяперашні час вельмі вялікі, таму так важна іх рацыянальнае выкарыстанне. Асаблівую ўвагу трэба надаць эфектыўнасці выкарыстання сродкаў, якія выдзяляюцца на рэалізацыю дзяржаўных праграм", - падкрэсліла Людміла Дабрыніна. Як лічыць кіраўнік парламенцкай камісіі, правядзенне Года беражлівасці дазволіць сканцэнтраваць намаганні на павышэнні прадукцыйнасці працы, эканомным выкарыстанні ўсіх відаў рэсурсаў. Годам беражлівасці 2013 год у Беларусі аб'яўлены ўказам №537, падпісаным 29 лістапада.-0-

БЕЛТА