Калі вас заспела навальніца

Самая вялікая небяспека пры навальніцы – паражэнне маланкай. Каб пазбегнуць яе, трэба ведаць, як сябе паводзіць падчас непагадзі.

Не размяшчайцеся падчас навальніцы побач з жалезабетонным палатном, ля вадаёма, ля высотнага аб'екта без маланкаадводу. Не дакранайцеся да паверхні ствалоў дрэў, металічных канструкцый. У зоне адноснай бяспекі займіце сухое месца на адлегласці 1,5 − 2 метры ад высокіх аб'ектаў: дрэва, апора ЛЭП. Не знаходзіцеся побач з уключанымі электрапрыборамі, праводкай, металічнымі прадметамі, не дакранайцеся да іх рукамі, не стайце паблізу маланкаахоўнага зазямлення.

Што рабіць, калі непагадзь заспела Вас:

у кватэры, доме, будынку:

у першую чаргу адключыце ўсе электрапрыборы і выцягніце штэкер вонкавай антэны з тэлевізара, спыніце тэлефонныя размовы. Затым паспрабуйце ліквідаваць скразнякі, шчыльна зачыніце вокны і коміны. Не размяшчайцеся ля акна, печы, каміна, масіўных металічных прадметаў, на даху і на гарышчы.

на вуліцы:

пакіньце адкрытую прастору і ўкрыйцеся ў памяшканні або ў пад'ездзе любога дома.

Калі вырашылі схавацца пад навісам будынка, не дакранайцеся да сцяны. Не карыстайцеся мабільным тэлефонам. Не стайце паблізу высокіх слупоў, рэкламных шчытоў і г.д.

у машыне:

Спыніце рух. Зачыніце вокны, апусціце антэну, заглушыце рухавік і перазіміце навальніцу ў салоне аўтамабіля. Не дакранайцеся да ручак дзвярэй і іншых металічных прадметаў. Не варта браць у рукі і мабільны тэлефон.

у лесе:

трымайцеся далей ад высокіх асобна стаячых дрэў, не размяшчайцеся ля вогнішча, бо слуп гарачага паветра – добры праваднік электрычнасці. Часцей за ўсё маланка б'е ў дубы, таполі і вяза, радзей за ўсё – у бярозу і клён. Уладкуйцеся паміж нізкарослымі дрэвамі з густымі кронамі. Акрамя таго, выбіраючы сабе сховішча, звярніце ўвагу, каб побач не было расколатых дрэў, раней уражаных навальніцай. Гэта сведчыць аб тым, што грунт на дадзеным участку мае высокую электраправоднасць, і ўдар маланкі сюды яшчэ раз вельмі верагодны.

на адкрытай мясцовасці (у полі):

не стаяце на ўзвышшах, каля апор ліній электраперадач і пад правадамі. Шукайце яму ці яр. Калі ж ніякіх паглыбленняў паблізу няма – прысядзьце, як мага ніжэй, або ляжце на зямлю. Не хавайцеся ў стозе сена ці саломы, у неабарачальных адзіночных бараках ці сараях. Не хадзіце басанож і не падымайце над галавой токаправодныя прадметы (лапаты, цяпкі, косы).

на вадаёме:

выйдзіце з вады, адыдзіце далей ад берага і схавайцеся ва ўкрыцці. Калі Вы знаходзіцеся ў лодцы, неадкладна грэбціце да берага. Калі гэта немагчыма – асушыце лодку; калі ёсць ахоўны тент, падніміце яго; пры наяўнасці сухога адзення, пераапраніцеся; сядзьце далей ад мачтаў і падкладзіце пад сябе выратавальны кій ці боты. Рыбалку падчас навальніцы неабходна спыніць, бо снасці з'яўляюцца правадніком для электрычнасці.

Першая дапамога пры паражэнні маланкай:

• хутка вызначце стан пацярпелага
• неадкладна правядзіце рэанімацыйныя мерапрыемствы: штучнае дыханне, непрамы масаж сэрца
• сагрэйце пацярпелага
• апрацуйце месцы апёкаў і супутныя раны
• дайце анальгін
• тэрмінова даставіце пацярпелага ў бальніцу.