16 кастрычніка, Мінск /Кар. БЕЛТА/. Эстафета юбілейнага агню Беларускага нацыянальнага тэхнічнага ўніверсітэта наведае ўсе вядучыя прамысловыя прадпрыемствы краіны, паведаміў карэспандэнту БЕЛТА кіраўнік медыяцэнтра БНТУ Віталь Гмырак.
16 кастрычніка, Мінск /Кар. БЕЛТА/. Эстафета юбілейнага агню Беларускага нацыянальнага тэхнічнага ўніверсітэта наведае ўсе вядучыя прамысловыя прадпрыемствы краіны, паведаміў карэспандэнту БЕЛТА кіраўнік медыяцэнтра БНТУ Віталь Гмырак.
"Калі паглядзець на сучасную Беларусь - дамы, дарогі, інфраструктуру, - гэта ўсё створана выпускнікамі нашага ўніверсітэта, якіх мы за сваю гісторыю выпусцілі больш за 200 тыс. Нашы выпускнікі працуюць сёння на кожным прамысловым прадпрыемстве краіны. І ў нас узнікла ідэя запусціць эстафету юбілейнага агню па ўсіх нашых прадпрыемствах-партнёрах", - распавёў Віталь Гмырак.
Эстафета стартавала 1 верасня. "Штотыдзень нашы факультэты наведваюць па 2 прадпрыемствы. Напрыклад, ужо адбыліся візіты ў Оршу на завод "Чырвоны Бараць", "БелОМА", у планах - EPAM, Нацыянальны аэрапорт Мінск. Нядаўна эстафета была на БелАЭС. Таму што сёлета ўніверсітэт адкрыў новую спецыяльнасць па напрамку "праектаванне і эксплуатацыя атамных электрастанцый", - адзначыў кіраўнік медыяцэнтра.
Па словах Віталя Гмырака, гісторыя развіцця прамысловасці неадрыўна звязана з гісторыяй БНТУ. "Як толькі запускаўся нейкі завод, адразу ўзнікала неабходнасць у падрыхтоўцы інжынерных кадраў. І новыя спецыяльнасці ў першую чаргу адкрываліся ў нас ва ўніверсітэце", - дадаў ён.
Сто гадоў БНТУ спаўняецца 10 снежня. Святкаванні пройдуць 9, 10 і 11 снежня. "10 снежня эстафета агню вернецца ў БНТУ. Акрамя таго, у самы бліжэйшы час адбудзецца закладка капсулы часу. Кожны ахвотны зможа змясціць у яе сваё пасланне, якое можна будзе дастаць і прачытаць праз 50 гадоў. Дарэчы, капсула ўжо ўстаноўлена ў галоўным корпусе БНТУ. Самыя маштабныя мерапрыемствы пройдуць у Палацы Рэспублікі. Святкаванні адбудуцца і на кожным факультэце", - дадаў Віталь Гмырак.-0-