Свята ўведзена ў 2001 годзе Указам Прэзідэнта Рэспублікі Беларусь. Дата прымеркавана да дня заснавання Нацыянальнай бібліятэкі Беларусі – галоўнага кнігасховішча краіны

На сённяшні дзень у сістэме Міністэрства культуры Беларусі працуе больш за 2 500 публічных бібліятэк. Дзякуючы разгалінаванай бібліятэчнай сетцы, нестацыянарнаму бібліятэчнаму абслугоўванню з выкарыстаннем бібліёбусаў, сістэмнай камп'ютарызацыі і падключэнню публічных бібліятэк да Інтэрнэту, штогод павялічваецца колькасць наведванняў бібліятэк, у тым ліку выдалена.

Найбуйнейшым інфармацыйным цэнтрам у рэспубліцы з'яўляецца Нацыянальная бібліятэка Беларусі, бібліятэчны фонд якой складае каля 10,1 млн адзінак захоўвання.

У нашым раёне гэтае свята сёння адзначаюць работнікі Лепельскай цэнтралізаванай бібліятэчнай сістэмы.

Лічбы і факты

ДУК «Лепельская ЦБС» складаецца з 15 бібліятэк: 14 сельскіх і 1 цэнтральная раённая бібліятэка

Творчы калектыў — 37 чалавек

Чытачоў наведала за 8 месяцаў бягучага года — 10546 чалавек

Кнігавыдача за 8 месяцаў складае 169745

Наведванняў бібліятэк за гэты перыяд — 80828

Кніжны фонд — 179488