Насычаная, разнастайная праграма фестывалю траў «Жыватворная сіла», які другі раз праходзіў у Докшыцах, парадавала нават самых патрабавальных гледачоў.
Насычаная, разнастайная праграма фестывалю траў «Жыватворная сіла», які другі раз праходзіў у Докшыцах, парадавала нават самых патрабавальных гледачоў.Гэта самабытнае мерапрыемства – складовая частка, уверцюра да рэспубліканскага фестывалю двух рэк, які докшыцкая зямля прыме ў другія выхадныя жніўня.
Ідэя прысвяціць свята «зёлкім» роднай зямлі нарадзілася невыпадкова: на тэрыторыі раёна растуць лекавыя травы 65 відаў, харчовыя расліны 23 відаў. Тутэйшыя запаведныя мясціны – Бярэзінскі біясферны запаведнік, гідралагічны заказнік «Галубіцкая пушча», даліна ракі Сервеч – скарбніца каштоўных прыродных аб’ектаў.
– Наша вобласць заканамерна называецца фестывальнай, таму што ні ў адным рэгіёне краіны няма такой вялікай колькасці фестываляў, – адзначыў старшыня Віцебскага абласнога Савета дэпутатаў Уладзімір Церанцьеў. – Самы старэйшы з іх – «Браслаўскія зарніцы», самы вядомы – «Славянскі базар у Віцебску». Шмат і рэгіянальных святаў, якія носяць статус міжнародных. Выдатна, што рух, які пачаўся дзясяткі гадоў таму, працягваецца, што кіраўніцтва Докшыцкага раёна, параіўшыся з навукоўцамі, вырашыла праводзіць фестываль траў.
Даўгалецця фестывалю і рэалізацыі ў сувязі з яго правядзеннем турыстычнага патэнцыялу жадалі іншыя ганаровыя госці.
Па маршруце працягласцю 28 км па родным краі рушылі ўдзельнікі велапрабегу «ПРА#Зёлкі», арганізаванага райкамам БРСМ.
Месцам прыцягнення стала этнасядзіба «Вецяра», дзе з наведвальнікамі поделятся сакрэтамі нарыхтоўкі траў і прыгатавання з іх найсмачнейшых чаёў. Клуб нацыянальнай кухні «Шчадроўка» частаваў гасцей стравамі беларускай кухні, а «на дэсерт» тут адбылося сапраўднае вяселле! Маладых Паўла і Паліну Анішчык сустракалі вясельным караваем. Пройдучы чараду жартоўнага выпрабаванняў, яны цалаваліся пад крыкі «Горка!» і кружыліся ў танцы з землякамі.
Галоўнае дзейства фестывалю разгарнулася ў раённым цэнтры. З нагоды 120-годдзя Свята-Пакроўскага храма Докшыцы наведаў епіскап Полацкі і Глыбоцкі Праасвяшчэннейшы Ігнацій. Ён дабраславіў праваслаўных на добрыя справы.