17 кастрычніка ў лесапаркавай зоне «Шпілі» прайшла маштабная экалагічная акцыя «Чыстыя гульні», арганізаваная Віцебскім гарвыканкамам сумесна з інспекцыяй прыродных рэсурсаў і аховы навакольнага асяроддзя, а таксама Віцебскім гарадскім камітэтам ГА БРСМ.
«Чыстыя гульні» – гэта не проста ўборка тэрыторыі, а займальны конкурс, дзе каманды спаборнічалі ў зборы і сартаванні смецця, атрымліваючы балы за кожны сабраны мяшок.
Нягледзячы на непагодлівае надвор'е, мерапрыемства сабрала дзясяткі актыўных маладых людзей, неабыякавых да стану навакольнага асяроддзя. Па словах арганізатараў, акцыя заклікана не толькі ачысціць лесапаркавую зону ад смецця, але і павысіць экалагічную пісьменнасць моладзі, навучыць іх правільна сартаваць адходы і беражліва ставіцца да прыроды.
Удзельнікі акцыі, студэнты ўніверсітэта МІТСО з энтузіязмам успрынялі ідэю правядзення мерапрыемства і адзначылі, што падобныя акцыі неабходна праводзіць часцей, каб падтрымліваць чысціню ў горадзе і прыцягваць увагу грамадскасці да праблем экалогіі.
– Нават дажджлівае надвор'е не перашкодзіла нам сёння зрабіць добрую справу, – падзялілася адна з удзельніц. – Мы не толькі сабралі шмат смецця, але і атрымалі зарад станоўчых эмоцый.
Вынікі:
3 месца – каманда філіяла Белдзяржстраху па Віцебскай вобласці,
2 месца – каманда каманда РУП «Беларуснафта-Віцебскаблнефтапрадукт»,
1 месца – каманда Віцебскага філіяла Міжнароднага ўніверсітэта «МІТСО».
44 каманды, усяго сабралі 1197 кілаграмаў смецця.