У Віцебску ўпершыню праходзіць абласны форум маладзёжных СМІ "Медыятрыумф". У холе абласнога палаца дзяцей і моладзі рабяты прадставілі маладзёжныя медыяпраекты.
У гэтыя хвіліны яны сталі ўдзельнікамі дыялогавай пляцоўкі "Маладзёжныя СМІ ў сучаснай медыясферы Беларусі".
На ёй выступаюць эксперты ў медыясферы, галіне адукацыі, работнікі культуры, а таксама прадстаўнікі ідэалагічнага блока рэгіёна.
Форум з'яўляецца сумесным праектам абласной газеты "Віцебскія весці" з АВПДіМ, галоўнымі ўпраўленнямі ідэалагічнай работы і па справах моладзі і па адукацыі аблвыканкама, абласной аргструктурай ГА "Беларускі саюз журналістаў".
Таксама ў рамках мерапрыемства адбудзецца цырымонія ўзнагароджання каля 100 рабят.
