ДАІ нагадвае аб правілах выкарыстання электрасамакатаў, паведамілі БЕЛТА ў ГУУС Мінгарвыканкама.
ДАІ нагадвае аб правілах выкарыстання электрасамакатаў, паведамілі БЕЛТА ў ГУУС Мінгарвыканкама.
"15 жніўня каля 15.30 у раёне парку Перамогі на скрыжаванні веладарожкі з пешаходнай сутыкнуліся 30-гадовая жанчына, якая кіравала электрасамакатам, і 19-гадовы малады чалавек на ровары. У выніку мінчанка не ўтрымалася і ўпала з электрасамаката, у сувязі з чым была дастаўлена ва ўстанову аховы здароўя. Пасля аказання медыцынскай дапамогі жанчына з'ехала дадому. Па факце здарэння ў Цэнтральным РУУС Мінска праводзіцца праверка", - распавялі ў ДАІ.
Улетку часцей здараюцца ДТЗ з электрасамакатамі. Варта памятаць: самакаты, электрасамакаты, скейтборды, гіраскутары, сігвеі, монакола, ролікавыя канькі адносяцца да сродкаў індывідуальнай мабільнасці. Той, хто перамяшчаецца з іх дапамогай, лічыцца пешаходам, і на яго распаўсюджваюцца адпаведныя правілы. Такім чынам, ездзіць можна па тратуарах, пешаходных і веладарожках, а таксама ў парках, скверах, дварах і на спецыяльна адведзеных для катання пляцоўках. Забаронена рухацца па праезнай частцы. Пры гэтым не варта ствараць перашкод для руху пешаходаў.
Перамяшчайцеся ў тэмпе, які дазволіць пры ўзнікненні перашкоды на шляху бяспечна спыніцца, без экстраннага тармажэння. Моцна трымайцеся за руль (пры яго наяўнасці), не перавозіце на самакаце пасажыраў. Не адцягвайцеся на гаджэты, пастаянна кантралюйце сітуацыю вакол сябе, выконвайце бяспечную дыстанцыю да іншых удзельнікаў руху. Калі паблізу дзеці - зніжайце хуткасць і будзьце гатовыя да іх раптоўных дзеянняў. Каля выхадаў з гандлёвых аб'ектаў, падземных пераходаў, прыпынкаў грамадскага транспарту зніжайце хуткасць і будзьце гатовыя да раптоўнага з'яўлення людзей.
У цёмны час сутак або ва ўмовах недастатковай бачнасці пазначце сябе святлоадбівальнікам, а свой сродак персанальнай мабільнасці - фарай белага колеру.
Ні ў якім разе не выкарыстоўвайце сродак персанальнай мабільнасці ў стане ап'янення або пры дрэнным самаадчуванні.