ДАІ заклікае ўсіх удзельнікаў дарожнага руху быць на вышэйшай ступені ўважлівымі ў складаных умовах надвор'я

Паводле інфармацыі Белгідрамета сёння на тэрыторыі вобласці чакаюцца навальніцы і моцныя дажджы. У дажджлівае надвор'е аўтааматарам неабходна выбраць бяспечную хуткасць, а таксама выразна выконваць дыстанцыю і бакавы інтэрвал. Гэтыя правілы дыктуе ў першую чаргу мокрае асфальтавае пакрыццё, на якім рэзка павялічваецца тармазны шлях.
Пры траплянні ў паласу дажджу трэба адразу ж плаўна знізіць хуткасць і ўстрымацца ад рэзкіх манеўраў і тармажэнняў. У ветраное надвор'е і навальніцу не паркуйцеся пад дрэвамі і паблізу няўстойлівых канструкцый. Пешаходам варта быць асабліва ўважлівымі пры пераходзе дарогі і абазначыць сябе святлоадбівальнымі элементамі. Перасякаць праезную частку можна толькі ў дазволеных для гэтага месцах.