Аб'екты аграпрамысловага комплексу заўсёды прыцягвалі ўвагу злачынцаў сваімі слабымі бастыёнамі. На вокнах ферм замест кратаў – поліэтылен, на старых дзвярах ненадзейны засаў, а ў падсобцы – спячы вартаўнік. Чым не ідэальныя ўмовы для здзяйснення ідэальнага злачынства? Вось і атрымліваецца, што супрацоўнікам міліцыі без працы ніяк не застацца. Практычна штодня супрацоўнікі праваахоўных органаў праводзяць рэйды для папярэджання крадзяжоў таварна-матэрыяльных каштоўнасцей з ферм, мехдвароў і іншых сельскагаспадарчых аб'ектаў. Толькі з пачатку ўборачнай кампаніі сёлета супрацоўнікамі міліцыі было ажыццёўлена амаль 300 праверак нясення службы вартавой аховы. Як вынік – не менш за сотню розных парушэнняў. А бо супрацоўнікі праваахоўных органаў неаднаразова заклікалі кіраўнікоў сельскагаспадарчых арганізацый выбарачна падыходзіць да кандыдатур на пасаду вартаўніка.
І гэта толькі вяршыня айсберга. Часам, банальная халатнасць прыводзіць да сур'ёзных парушэнняў закона. Так, карыстаючыся сваім службовым становішчам і бясконтрольнасцю, трактарыст-машыніст аднаго з сельскагаспадарчых прадпрыемстваў раёна шляхам нехітрай схемы «прыватызаваў» 180 літраў дызельнага паліва. Сума ўрону пры гэтым для прадпрыемства склала больш за 250 рублёў. Цяпер у дачыненні да прадпрымальнага мужчыны ўзбуджана крымінальная справа па частцы 1 артыкула 211 КК.
Давядзецца адказаць за зробленае і двум жыхарам Лепельскага раёна, якія здзейснілі дробнае хішчэнне камбікарму, у агульнай складанасці 93 кілаграмы з тэрыторыі сельскагаспадарчага аб'екта.
Разам з тым, усім, хто спрабуе замахнуцца на грамадскую ўласнасць у АПК, варта памятаць пра адказнасць, якая прадугледжана артыкулам 10.5 (дробнае хішчэнне) КоАП і артыкулам 205 (крадзеж) УК.
ДЛЯ ДАВЕДКАК
Ст. 10.5 КоАП РБ
1. Дробнае хішчэнне маёмасці шляхам крадзяжу, махлярства, злоўжывання службовымі паўнамоцтвамі, прысвойвання або разбазарвання, а роўна замах на такое хішчэнне – цягне накладанне штрафу ў памеры ад дзесяці да трыццаці базавых велічынь або адміністрацыйны арышт.
2. Тыя ж дзеянні, учыненыя паўторна на працягу аднаго года пасля накладання адміністрацыйнага спагнання за такія ж парушэнні, – цякуць накладанне штрафу ў памеры ад трыццаці да пяцідзесяці базавых велічынь або адміністрацыйны арышт.
арт. 205 КК РБ
1. Таемнае выкраданне маёмасці (крадзеж) –
караецца грамадскімі працамі, або штрафам, або папраўчымі працамі на тэрмін да двух гадоў, або арыштам на тэрмін да шасці месяцаў, або абмежаваннем волі на тэрмін да трох гадоў, або пазбаўленнем волі на той жа тэрмін.
2. Крадзеж, учыненая паўторна, альбо групай асоб, альбо з пранікненнем у жыллё, –
караецца папраўчымі працамі на тэрмін да двух гадоў, або арыштам на тэрмін ад трох да шасці месяцаў, або абмежаваннем волі на тэрмін да чатырох гадоў, або пазбаўленнем волі на той жа тэрмін.
3. Крадзеж, учыненая ў буйным памеры, –
караецца пазбаўленнем волі на тэрмін ад двух да сямі гадоў з канфіскацыяй маёмасці або без канфіскацыі.
4. Крадзеж, учыненая арганізаванай групай альбо ў асабліва буйным памеры, –
караецца пазбаўленнем волі на тэрмін ад трох да дванаццаці гадоў з канфіскацыяй маёмасці.
Яшчэ адзін напрамак, які знаходзіцца пад пільнай увагай супрацоўнікаў міліцыі – фізічны стан працаўнікоў вёскі, асабліва тых, хто знаходзіцца за рулём.
Так з першых дзён жніва супрацоўнікамі Дзяржаўтаінспекцыі былі выяўлены кіроўцы, якія кіравалі транспартнымі сродкамі ў стане алкагольнага ап'янення, альбо кіравалі аўтамабілем без правоў.
У выпадку знаходжання работнікаў аграпрамысловага комплексу ў працоўны час у стане алкагольнага ап'янення яны падвяргаюцца адміністрацыйнаму спагнанню згодна часткі 2 артыкула 17.3 КоАП Рэспублікі Беларусь – штрафу ў памеры ад 1 да 10 базавых велічынь. Выяўлена 6 работнікаў аграпрамысловага комплексу, якія знаходзіліся на працоўным месцы ў стане алкагольнага ап'янення, 5 з іх – вартаўнікі.
Рэйды мабільных міліцэйскіх груп па аб'ектах АПК Лепельшчыны зараз у самым разгары. Зрэшты, сіламі толькі праваахоўнікаў расставіць усё па месцах не проста. У сувязі з гэтым аддзел унутраных спраў Лепельскага райвыканкама звяртаецца да ўсіх грамадзян: «Калі хто-небудзь мае інфармацыю аб фактах крадзяжу таварна-матэрыяльных каштоўнасцей, парушэння працоўнай дысцыпліны або знаходжання вартаўнікоў на працоўным месцы ў працоўны час у стане алкагольнага ап'янення, неадкладна паведаміце пра гэта ў міліцыю па тэлефоне 102».