9 красавіка а 13-33 у службу выратавання паступіла паведамленне аб загаранні сухой расліннасці пабліз вёскі Двор Суша Баброўскага сельсавета

9 красавіка а 13-33 у службу выратавання паступіла паведамленне аб загаранні сухой расліннасці пабліз вёскі Двор Суша Баброўскага сельсавета. Да месца загарання былі накіраваны пажарныя разлікі. Высветлілася, што адбываецца гарэнне сухой расліннасці асобнымі ачагамі на плошчы каля 1 га. Таксама мелася пагроза распаўсюджвання агню на бліжэйшыя дамы і гаспадарчыя пабудовы. Дзякуючы зладжаным дзеянням супрацоўнікаў МНС узгаранне ўдалося ліквідаваць. Пацярпелых няма. Мяркуемая прычына пажару – неабачлівае абыходжанне з агнём пры выпальванні сухой расліннасці, вінаватая асоба ўстанаўліваецца.

Падпальваючы траву, або разводзячы вогнішча ў забароненым месцы, многія нават і не падазраваюць, аб небяспецы, якая хаваецца, на першы погляд за бяскрыўднымі дзеяннямі, не мяркуючы, што маленькае вогнішча можа ў лічаныя секунды ператварыцца ў агнявую пастку, якая знішчае ўсё на сваім шляху.

МНС Беларусі нагадвае, што згодна з артыкулам 15.57 Кодэкса Рэспублікі Беларусь аб адміністрацыйных парушэннях, за выпальванне сухой расліннасці, травы на корані, а таксама стэрні і пажніўных рэшткаў на палях альбо непрыняцце мер па ліквідацыі прычынення шкоды, вінаватыя асобы прыцягваюцца да адміністрацыйнай адказнасці ў выглядзе штрафу ў памеры ад дзесяці да сарака базавых велічынь. Развядзенне вогнішчаў у забароненых месцах цягне папярэджанне або накладанне штрафу ў памеры да дванаццаці базавых велічынь. За знішчэнне альбо пашкоджанне тарфянікаў, лясных масіваў прадугледжана крымінальная адказнасць.

Памятайце, што траву, якая пачынае гарэць, можна патушыць самастойна, закідаўшы кромкі пажару грунтам або пяском. Для тушэння падыдуць таксама вязанкі галінак або ламачча лісцяных дрэў, шчыльная тканіна, мокрае адзенне. Наносіце слізгальныя ўдары па кромцы агню збоку ў бок ачага пажару, як бы змятаючы полымя; галінкі, тканіна пасля кожнага ўдару пераварочвайце, каб яны такім чынам астуджаліся і не загарэліся. Патушыўшы пажар, не сыходзьце да тых часоў, пакуль не пераканаецеся, што агонь не разгарыцца зноў.

Калі Вы не можаце патушыць пажар сваімі сіламі, неадкладна тэлефануйце ў службу МНС па тэлефонах 101 або 112 і як мага хутчэй пакідайце месца пажару.

Так, з пачатку веснава-летняга пажаранебяспечнага перыяду ў Лепельскім раёне да адміністрацыйнай