3 лютага, Віцебск /Вольга Багачова - БЕЛТА/. Дзяржаўтаінспектары Віцебскай вобласці за мінулыя суткі аказалі дапамогу больш чым дзясятку вадзіцеляў, якія "заглохлі", паведаміла карэспандэнту БЕЛТА інспектар аддзялення агітацыі і прапаганды ДАІ УУС Віцебскага аблвыканкама Дзіна Шаўчэнка. У асноўным сярод тых, хто меў патрэбу ў староннім дапамозе на дарогах рэгіёну, апынуліся вадзіцелі велікагрузных аўтамабіляў. Так, на трасе М-3 супрацоўнікі ДАІ аказалі дапамогу двум фурам, на мяжы Шумілінскага і Полацкага раёнаў - грамадзяніну Польшчы. Патруляванне трас вобласці праводзілася на працягу дня ўсімі сіламі дзяржаўтаінспектараў. У такім жа рэжыме супрацоўнікі ДАІ будуць ажыццяўляць маніторынг на працягу ўсяго перыяду неспрыяльных умоў надвор'я. Каб пазбегнуць магчымых непрыемнасцей у дарозе, вадзіцелям неабходна быць падрыхтаванымі і асцярожнымі, а таксама не заставацца абыякавымі да людзей, якія трапілі ў бяду, - дапамагчы ім самім або паведаміць пра гэта па гарачай лініі "102". Мінулыя суткі прайшлі на дарогах вобласці спакойна, без сур'ёзных аварый са смяротным зыходам і траўматызмам людзей.-0-

БЕЛТА