Дзяржаўны рэестр адпускных цэн вытворцаў на лекавыя сродкі створаны ў Беларусі. Гэта прадугледжана пастановай Савета Міністраў №776 ад 31 кастрычніка 2018 года, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.
Дзяржаўны рэестр адпускных цэн вытворцаў на лекавыя сродкі створаны ў Беларусі. Гэта прадугледжана пастановай Савета Міністраў №776 ад 31 кастрычніка 2018 года, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.
Рэестр з'яўляецца дзяржаўным інфармацыйным рэсурсам, які ўяўляе сабой электронную базу даных, якая змяшчае звесткі аб межавых адпускных цэнах вытворцаў на лекавыя сродкі.
Згодна з дакументам рэестр будзе фарміравацца Міністэрствам аховы здароўя на базе рэспубліканскага ўнітарнага прадпрыемства "Цэнтр экспертыз і выпрабаванняў у ахове здароўя". Цэнтр будзе займацца распрацоўкай і мадэрнізацыяй рэестра, тэхнічным і праграмным забеспячэннем яго вядзення, у тым ліку будзе ажыццяўляць аўтаматызаванае аб'яднанне звестак, якія ўключаюцца ў рэестр, іх актуалізацыю, захоўванне і абарону.
Вядзенне рэестра будзе ажыццяўляцца на прынцыпах паўнаты і дакладнасці звестак, аператыўнасці, адпаведнасці арганізацыйным, праграмна-тэхнічным і метадалагічным патрабаванням.
Вядзенне рэестра будзе ажыццяўляцца ў электронным выглядзе з прымяненнем аўтаматызаванай сістэмы шляхам унясення рэестравых запісаў, у якіх будуць утрымлівацца наступныя звесткі: найменне трымальніка рэгістрацыйнага пасведчання на лекавы сродак; найменне вытворцы і месцазнаходжанне вытворчых пляцовак; найменне лекавага сродку; нумар рэгістрацыйнага пасведчання на лекі; лекавая форма з указаннем дазіроўкі лекавага сродку і яго колькасці ў другаснай упакоўцы, а таксама камплектнасці; межавая адпускная цана вытворцы ў беларускіх рублях; дата і нумар загаду Мінздароўя аб рэгістрацыі межавой адпускной цаны вытворцы на лекавы сродак, а таксама код лекавага сродку па анатома-тэрапеўтычна-хімічнай класіфікацыі, рэкамендаванай Сусветнай арганізацыяй аховы здароўя.
Звесткі, якія змяшчаюцца ў рэестры, будуць адкрытымі і даступнымі для ўсеагульнага азнакамлення.