АДКАЗ: Крыніцы фінансавання інвестыцыйных праектаў вызначаюцца ў залежнасці ад іх класіфікацыі.

I. Арганізацыя новых вытворчасцей на дзейных прадпрыемствах

Крыніцы фінансавання – прыцягненне крэдытных рэсурсаў ААТ «Банк развіцця Рэспублікі Беларусь» (далей – Банк развіцця) і камерцыйных банкаў.

Інструменты фінансавання Банка развіцця:

1.1. Крэдыты Банка развіцця, якія прадастаўляюцца для рэалізацыі імпартазамяшчальных інвестыцыйных праектаў, з наступным аказаннем крэдытаатрымальнікам дзяржаўнай фінансавай падтрымкі ў выглядзе бюджэтных трансфертаў (праект Указа Прэзідэнта Рэспублікі Беларусь «Аб садзейнічанні рэалізацыі інвестыцыйных праектаў»).

Праект Указа знаходзіцца на разглядзе ў зацікаўленых.

Працэдура выдзялення сродкаў:

1. Патэнцыйныя крэдытаатрымальнікі звяртаюцца ў Банк развіцця з інвестыцыйнымі праектамі, якія адпавядаюць аднаму з наступных крытэрыяў:

накіраваны на вытворчасць імпартазамяшчальнай прадукцыі (павышэнне ўзроўню лакалізацыі вытворчасці);

маюць высокі экспартны патэнцыял.

2. Банк развіцця праводзіць конкурсны адбор інвестыцыйных праектаў і ацэнку фінансавага стану крэдытаатрымальніка, пасля чаго прымае рашэнне аб фінансаванні. Памер працэнтаў за карыстанне крэдытамі вызначаецца Банкам развіцця на рынкавым узроўні.

3. Бюджэтныя трансферты прадастаўляюцца па факце рэалізацыі інвестыцыйнага праекта ў тры этапы, а іх памер залежыць ад удзельнай вагі крэдытаў Банка развіцця ў суме капітальных затрат (ад 15 да 25 % сумы капітальных затрат без уліку ПДВ па інвестыцыйным праекце).

Даведка. Плануемы крэдытны падтрымка – 60 млн. руб. штогод. Памер працэнтаў за карыстанне крэдытамі вызначаецца на рынкавым узроўні, сукупны аб'ём бюджэтных трансфертаў у 2024-2029 гг. – 75 млн. рублёў.

Крэдыты прадастаўляюцца суб'ектам МСП пры ўмове вытворчасці імі імпартазамяшчальнай прадукцыі, альбо прадукцыі, накіраванай на павышэнне ўзроўню лакалізацыі вытворчасці на іншых прадпрыемствах рэспублікі.

1.2. Крэдытны прадукт «Стабілізацыйны», які прадастаўляецца банкамі за кошт рэсурсаў ААТ

«Банк развіцця Рэспублікі Беларусь» (далей – Банк развіцця) у межах Указа Прэзідэнта Рэспублікі Беларусь ад 14 сакавіка 2022 г. № 93.

Працэдура выдзялення сродкаў:

1. Банк развіцця прадастаўляе фінансавыя рэсурсы банкам-партнёрам шляхам размяшчэння дэпазіту або выкупу аблігацый.

2. Арганізацыі звяртаюцца ў банкі-партнёры, якія адбіраюць заёмшчыкаў па ўзгодненых з Банкам развіцця крытэрыях.

3. Банкі-партнёры праводзяць ацэнку фінансавага стану адабраных патэнцыйных крэдытаатрымальнікаў і праектаў, што мяркуюцца да рэалізацыі, пасля чаго прымаюць рашэнне аб фінансаванні.

4. Крэдытаванне ажыццяўляецца на наступных умовах:

фінансаванне ў беларускіх рублях;

працэнтная стаўка – 7,5% гадавых;

максімальная сума фінансавання на аднаго кліента – 5,0 млн. руб.;

доля ўласнага ўдзелу ў праекце – вызначаецца банкам.

Даведка. Крэдыт прадастаўляецца толькі суб'ектам малога і сярэдняга прадпрымальніцтва (далей – МСП) пры ўмове атрымання не менш за 50 % выручкі ад рэалізацыі імпартазамяшчальнай прадукцыі.

1.3. Крэдытны прадукт «Падтрымка імпартазамяшчэння», які прадастаўляецца банкамі, лізінгавымі арганізацыямі ў межах Праграмы фінансавай падтрымкі суб'ектаў малога і сярэдняга прадпрымальніцтва ААТ «Банк развіцця Рэспублікі Беларусь».

Працэдура выдзялення сродкаў:

1. Банк развіцця прадастаўляе фінансавыя рэсурсы банкам-партнёрам і лізінгавым арганізацыям шляхам размяшчэння дэпазіту або выкупу аблігацый.

2. Арганізацыі звяртаюцца ў банкі-партнёры і лізінгавыя арганізацыі, якія адбіраюць непасрэдных заёмшчыкаў па ўзгодненых з Банкам развіцця крытэрыях.

3. Банкі-партнёры і лізінгавыя арганізацыі праводзяць ацэнку фінансавага стану адабраных патэнцыйных заёмшчыкаў і праектаў, што мяркуюцца да рэалізацыі, пасля чаго прымаюць рашэнне аб фінансаванні.

4. Фінансаванне праз банкі-партнёры ажыццяўляецца на наступных умовах:

працэнтная стаўка – стаўка рэфінансавання Нацыянальнага банка Рэспублікі Беларусь, павялічаная на 2 п.п. (14% гадавых);

максімальная сума фінансавання на аднаго кліента – 5,0 млн. руб.;

доля ўласнага ўдзелу ў праекце – вызначаецца банкам.

5. Фінансаванне праз лізінгавыя арганізацыі ажыццяўляецца на наступных умовах:

працэнтная стаўка – вызначаецца лізінгавай арганізацыяй;

максімальная сума фінансавання на аднаго кліента – 2,5 млн. руб.;

доля ўласнага ўдзелу ў праекце – вызначаецца лізінгавай арганізацыяй.

Даведачна. Крэдыты (фінансаванне ў рамках дагавораў лізінгу) прадастаўляюцца суб'ектам МСП пры ўмове атрымання імі не менш 70 % выручкі ад рэалізацыі імпартазамяшчальнай прадукцыі.

1.4. Галіновыя крэдытныя прадукты Банка развіцця.

II. Мадэрнізацыя дзеючых вытворчасцей

Крыніцы фінансавання – уласныя сродкі арганізацый, прыцягнутыя і пазыковыя сродкі.

Інструменты фінансавання:

1. Уласныя сродкі – статутны капітал, паток сродкаў, які фарміруецца ў ходзе дзейнасці прадпрыемства (чысты прыбытак і амартызацыйныя адлічэнні), унутрыгаспадарчыя рэзервы (сродкі ад рэалізацыі абсталявання, што выбывае, ліквідацыі невыкарыстоўванай маёмасці і інш.), дадатковае размяшчэнне акцый.

2. Прыцягнутыя сродкі:

- сродкі рэспубліканскага цэнтралізаванага інавацыйнага фонду і мясцовых інавацыйных фондаў у адпаведнасці з патрабаваннямі Указа Прэзідэнта Рэспублікі Беларусь ад 07.08.2012 № 357 «Аб парадку фарміравання і выкарыстання сродкаў інавацыйных фондаў».

- сродкі Беларускага інавацыйнага фонду, выдзяляемыя ў адпаведнасці з Указам Прэзідэнта Рэспублікі Беларусь ад 25.03.2008
№ 174 пад 0,5 стаўкі рэфінансавання Нацыянальнага банка.

- сродкі пазабюджэтных цэнтралізаваных інвестыцыйных фондаў, выдзяляемых на мэты і ў парадку, вызначаным пастановай Савета Міністраў Рэспублікі Беларусь ад 05.01.2013 № 9.

3. Пазыковыя сродкі – банкаўскія крэдыты і пазыкі, камерцыйныя крэдыты (якія прадастаўляюцца пастаўшчыкамі машын і абсталявання, а таксама падрадчыкамі).

Меры інвестыцыйнага стымулявання (у тым ліку дадатковыя, якія адпрацоўваюцца ў рамках Комплексу мер па запуску інвестыцыйнага цыклу і праекта Канцэпцыі дзяржаўнай палітыкі рэгіянальнага развіцця Рэспублікі Беларусь):

1. Для ўсіх відаў тэрыторый:

заключэнне інвестыцыйных дагавораў з пашыраным пакетам льгот для буйных праектаў – на падставе рашэння Урада;

рэалізацыя сярэдніх і дробных праектаў з прадастаўленнем базавага пакета льгот, прадугледжаных дзеючым Дэкрэтам № 10 – на падставе рашэння выканкама;

укараненне механізму спецыяльных інвестыцыйных дагавораў, якія прадугледжваюць меры стымулявання па продажы прадукцыі (абавязковыя закупкі).

2. У індустрыяльных цэнтрах:

прымяняць механізм інвестыцыйнага выліку(павялічаны з 2022 г.).

Даведка: Па будынках, збудаваннях і іх рэканструкцыі – 20% першапачатковага кошту (кошту ўкладанняў у рэканструкцыю). Па машынах, абсталяванні і транспартных сродках (за выключэннем легкавых аўтамабіляў) – 40% першапачатковага кошту (кошту ўкладанняў у іх рэканструкцыю).

3. У аграрна-прамысловых і аграрных раёнах:

кампенсацыйны пакет мер для інвестараў, якія ажыццяўляюць будаўніцтва аб'ектаў інфраструктуры за свой кошт (зніжэнне тарыфу на пастаўку электра- і цеплавой энергіі, камунальных паслуг і іншае);

прадаставіць «падатковыя канікулы» для зноў створаных прадпрыемстваў на працягу першых 7 гадоў.

Даведка. Напрыклад:

вызваленне ад падатку на прыбытак і маёмасных падаткаў (на нерухомасць і зямельны падатак, арэндную плату за зямельныя ўчасткі, якія знаходзяцца ў дзяржаўнай уласнасці);

не налічэнне абавязковых страхавых узносаў у ФСАН на частку даходу (выплат) работнікаў зноў створаных прадпрыемстваў, якая перавышае аднакратны памер сярэдняй заработнай платы работнікаў у рэспубліцы за месяц, папярэдні месяцу, за які яны павінны быць выплачаны;

прадастаўленне дзяржаўнай фінансавай падтрымкі суб'ектам малога і сярэдняга прадпрымальніцтва на пакрыццё выдаткаў пры заключэнні дагавора лізінгу, а таксама субсідыі для пакрыцця суб'ектам гаспадарання часткі выдаткаў, звязаных з сертыфікацыяй прадукцыі.