Юныя пасланнікі міру з Віцебскай і Маскоўскай абласцей збяруцца на злёт у Гарадоцкім раёне, паведамілі БЕЛТА ў Віцебскім аблвыканкаме.
Юныя пасланнікі міру з Віцебскай і Маскоўскай абласцей збяруцца на злёт у Гарадоцкім раёне, паведамілі БЕЛТА ў Віцебскім аблвыканкаме.
Мерапрыемства пройдзе 20-22 верасня на базе загараднага аздараўленчага лагера "Арыён" у вёсцы Кабішчы. Яго ўдзельнікамі стануць больш за 70 дзяцей, навучэнцаў 10-11-х класаў, з Гарадоцкага і Шумілінскага раёнаў Віцебскай вобласці і пасёлка гарадскога тыпу Дзядзенева Маскоўскай вобласці.
Праграма злёту аб'яднана агульнай тэмай "Шчасце жыць у мірнай краіне". Адной з яго галоўных падзей стане адкрыццё першай у Віцебскай вобласці школы міру на базе сярэдняй школы №1 Гарадка, якое адбудзецца 21 верасня з удзелам прадстаўнікоў абласных і мясцовых органаў улады. Запланавана ўдзел дэлегацый у адкрыцці алеі дружбы, тэматычнай навукова-практычнай канферэнцыі, інтэлектуальным турніры, наведванне мясцін баявой і воінскай славы.
Арганізатарамі злёту з'яўляюцца Гарадоцкі райвыканкам, Віцебскае абласное аддзяленне Беларускага фонду міру.