Традыцыйна ў Беларусь прыязджае вялікая колькасць турыстаў з розных краін, якія акрамя адпачынку актыўна займаюцца і шопінгам. Вялікай папулярнасцю карыстаюцца мясныя і малочныя прадукты, насенны матэрыял для дачнага сезона і іншыя тавары. У сувязі з гэтым у стацыянарных гандлёвых аб'ектах, на кірмашах шырока прадставяць спажывецкія тавары айчыннай вытворчасці.
Будзе арганізавана правядзенне распродажаў, акцый з прадастаўленнем скідак на запатрабаваныя і сацыяльна значныя тавары.
Мясцовымі выканкамамі сфарміраваны графікі правядзення кірмашоў і выязнога гандлю з улікам ахопу не толькі насельніцтва гарадоў і райцэнтраў, але і малых гарадскіх паселішчаў, уключаючы прыгранічныя тэрыторыі. Так, кірмашы і выязны гандаль будуць арганізаваны 14 красавіка ў Варапаеве, 15 красавіка – у Лынтупах, 16 красавіка – у Верхнядзвінску і Браславе, 17 красавіка – у Паставах.
Жыхарам прыгранічных раёнаў Віцебскай вобласці будуць прапаноўваць прадукцыю рэгіянальных вытворцаў: Верхнядзвінскага і Пастаўскага філіялаў аблспажыўсаюза, Верхнядзвінскага масласырзавода, Пастаўскага малочнага завода, філіялаў «Віцебскхлебпрама», раённых сельгаспрадпрыемстваў, фермерскіх гаспадарак, Нацыянальнага парка «Браслаўскія азёры» і іншых.
Крыніца: vitebsk-region.gov.by