Як стаць ратавальнікам?

Для сёлетніх адзінаццацікласнікаў застаюцца лічаныя тыдні для таго, каб вызначыцца з выбарам будучага шляху.

Для сёлетніх адзінаццацікласнікаў застаюцца лічаныя тыдні для таго, каб вызначыцца з выбарам будучага шляху. Тых, хто вырашыў звязаць жыццё з прафесіяй ратавальніка, запрашае Універсітэт грамадзянскай абароны (УГА) Міністэрства па надзвычайных сітуацыях Рэспублікі Беларусь у Мінску.

Універсітэт ажыццяўляе падрыхтоўку па спецыяльнасці «Прадухіленне і ліквідацыя надзвычайных сітуацый» (толькі юнакі) і па спецыяльнасці «Пажарная і прамысловая бяспека» (юнакі і дзяўчаты). Для паступлення неабходны сертыфікаты ЦТ па матэматыцы, фізіцы, рускай (беларускай) мове. Тэрмін навучання на дзённай форме навучання – 4 гады. Да паступлення ўсе кандыдаты ў абавязковым парадку праходзяць прафесійны адбор, які ў сябе ўключае: правядзенне спецыяльных праверак, вывучэнне маральных і дзелавых якасцей, медыцынскае асведчанне ваенна-урачэбнай камісіяй, вызначэнне ўзроўню фізічнай падрыхтаванасці кандыдатаў.

Перавага навучання ў УГА МНС у тым, што ўсе курсанты забяспечваюцца месцамі для пражывання, харчаваннем, форменным абмундзіраваннем, дзяржаўным страхаваннем і медыцынскім абслугоўваннем, а таксама грашовым утрыманнем (у сярэднім памерам каля 300 беларускіх рублёў штомесяц). Падчас вучобы курсанты маюць магчымасць навучыцца практычнаму ваджэнню і атрымаць пасведчанне кіроўцы катэгорыі «В». Выпускнік атрымлівае афіцэрскае званне «лейтэнант унутранай службы», яму гарантавана працаўладкаванне. Размяркоўваюцца выпускнікі ў большасці выпадкаў па месцы жыхарства або бліжэйшых да яго падраздзяленнях.

Абітурыенты, якія не прайшлі па конкурсе за кошт сродкаў бюджэту, могуць прыняць удзел у конкурсе на дзённую форму навучання на ўмовах аплаты.

Мэтаваная падрыхтоўка да паступлення ў ВНУ ажыццяўляе вучняў спецыялізаваны ліцэй пры Універсітэце грамадзянскай абароны МНС Беларусі ў Гомелі. Сюды прымаюцца юнакі, якія завяршылі навучанне ў 6 класе. Тэрмін навучання – 5 гадоў (з 7-га па 11-ы класы) ва ўмовах кругласутачнага пражывання.

Вучні ліцэя знаходзяцца на поўным дзяржаўным забеспячэнні (абмундзіраванне, пяціразовае харчаванне, пражыванне, медыцынскае абслугоўванне). У Ліцэі створана ўнікальная вучэбна-трэніровачная і матэрыяльна-тэхнічная база: вучэбныя і жылыя корпусы, спартыўны, трэнажорны, барацьбінскія залы, 25-метровы плавальны басейн. Выпускнікі

навучэнцы ліцэя пры наяўнасці ў атэстаце адзнак 7 балаў і вышэй маюць права паступаць ва ўстановы вышэйшай адукацыі сілавых структур без здачы ЦТ.

Уступныя выпрабаванні ў Ліцэй – матэматыка, руская (беларуская) мова. Залічэнне праводзіцца па конкурсе на падставе набранай сумы балаў. Па-за конкурсам пры ўмове атрымання на ўступных выпрабаваннях адзнак не ніжэй за 4 балы ў парадку пералічэння залічваюцца асобы, якія маюць прадугледжаныя заканадаўствам льготы.

Для тых, хто не паступіў ва УГЗ, добрым выбарам будзе паступленне ў Полацкі дзяржаўны хіміка-тэхналагічны каледж на спецыяльнасць «Папярэджанне і ліквідацыя надзвычайных сітуацый», са тэрмінам навучання на дзённым аддзяленні на бюджэтнай аснове – 2 гады і 7 месяцаў. Прымаюцца юнакі ад 17 да 25 гадоў, якія маюць атэстат аб агульнай сярэдняй адукацыі. Усім, хто мае патрэбу, прадастаўляецца інтэрнат.

Выпускнікі каледжа атрымліваюць рабочую прафесію «выратавальнік-пажарны» і працаўладкоўваюцца ў органы і падраздзяленні па надзвычайных сітуацыях на пасады радавога і малодшага начальніцкага складу. Па заканчэнні каледжа выпускнікі маюць права паступаць ва УГЗ на скарочаную завочную форму навучання (тэрмін навучання 3 гады).

Для фарміравання вучэбнай справы на паступленне ва ўказаныя вышэй установы адукацыі (УГЗ, Спецыялізаваны ліцэй пры УГЗ, Полацкі дзяржаўны хіміка-тэхналагічны каледж), Вам неабходна да 1 мая звярнуцца ў раённы (гарадскі) аддзел па надзвычайных сітуацыях па месцы жыхарства, там Вам адкажуць на ўсе пытанні, якія цікавяць. Работнікі МНС рэкамендуюць не чакаць указанай даты і звярнуцца раней.