З надыходам восеньска-зімовага перыяду ўзрастае попыт на спецыяльную прадукцыю, неабходную для догляду за аўтамабілямі. Санітарна-эпідэміялагічнай службай з мэтай недапушчэння ў рэалізацыю небяспечнай прадукцыі арганізавана на пастаяннай аснове ацэнка прапанаванай спажыўцу шклаамывальнай вадкасці.
За кастрычнік-лістапад бягучага года санітарна-эпідэміялагічнай службай забаронена рэалізацыя больш за 1000 літраў шклаамывальнай вадкасці, якая не адпавядае ўстаноўленым нарматывам па ўтрыманні метылавага спірту. У снежні сумесна з Мытнай службай Магілёўскай вобласці ўдалося прадухіліць увоз на тэрыторыю краіны больш за 23 тон шклаамывальнай вадкасці «FrozKO -30» вытворчасці ТАА «Форвард Груп» з перавышэннем утрымання метылавага спірту ў 440 разоў.
Работа па кантролі за рэалізацыяй шклаамывальнай вадкасці актыўна праводзіцца і на тэрыторыі Лепельскага раёна.
Пры выбары шклаамывальнай вадкасці не варта забываць пра ўласнае здароўе. Шклаамывальную вадкасць неабходна набываць ва ўстаноўленых гандлёвых месцах. Нелегальныя вытворцы пры вырабе такой прадукцыі часта выкарыстоўваюць танную і небяспечную сыравіну, у тым ліку метылавы спірт, які з'яўляецца моцным ядам, небяспечны пры ўдыханні, паражае галаўны мозг і крывяносныя сасуды, можа прывесці да слепаты. Акрамя таго, неабходна памятаць, што метылавы спірт асабліва ядавіты для дзяцей. Таму пры куплі варта звяртаць увагу на інфармацыю на спажывецкай тары, вынесенай на этыкетку, якая павінна ўтрымліваць звесткі аб вытворцы з указаннем адраса, назву прадукцыі, яе прызначэнне, склад, тэрміны прыдатнасці, меры засцярогі. Пры выкананні гэтых нескладаных правілаў рызыка для здароўя будзе мінімальны.