13 лістапада, Віцебск /Вольга Багачова - БЕЛТА/. Картофельное шоу збярэ 24 лістапада каля 1,5 тыс. студэнтаў і навучэнцаў Віцебскай вобласці, паведамілі карэспандэнту БЕЛТА ў Віцебскім абласным камітэце БРСМ. Яркае шоу, якое адбудзецца ў канцэртнай зале "Віцебск", будзе суправаджацца шматлікімі жартамі, конкурсамі, розыгрышамі прызоў і сувеніраў, выступленнямі творчых калектываў моладзі. Але галоўным складнікам свята стане цырымонія ўшанавання ўдарнікаў трэцяга працоўнага семестра гэтага года. Ганаровыя граматы і прызы ўручаць прадстаўнікам лепшага будаўнічага, сельскагаспадарчага, педагагічнага, экалагічнага, сэрвіснага атрадаў, лепшаму байцу і камандзіру студэнцкіх атрадаў. Таксама арганізатары адзначаць лепшых наймальнікаў, у якіх працавалі хлопцы пры правядзенні сельскагаспадарчых і будаўнічых работ. Гэта мерапрыемства, арганізатарамі якога выступаюць абласны камітэт БРСМ і аддзел па справах моладзі Віцебскага аблвыканкама, заклікана садзейнічаць духоўна-маральнаму выхаванню і працоўнай занятасці моладзі, а таксама прыцягваць студэнтаў да актыўнага вольнага часу. -0-

БЕЛТА