Камітэт дзяржаўнага кантролю Віцебскай вобласці 22 мая правядзе прамую лінію з жыхарамі вобласці па пытанні несвоечасовай выплаты заработнай платы, паведамілі БЕЛТА ў КДК рэгіёна.
Прамая лінія праводзіцца для выканання наймальнікамі працоўных правоў работнікаў і ўстаноўленых тэрмінаў выплаты заработнай платы. Звароты будуць прымацца з 10.00 да 17.00 (перапынак з 13.00 да 14.00) па тэлефонах: 8 (0212) 37-61-53, 8 (0212) 37-61-94 і 8 (0212) 37-61-70.
Згодна з даручэннем старшыні Камітэта дзяржаўнага кантролю Леаніда Анфімава, па пытанні несвоечасовай выплаты заработнай платы арганізаваны маніторынг. Падчас яго аналізуецца статыстычная справаздачнасць, выяўляюцца прычыны ўтварэння запазычанасці па аплаце працы, вывучаюцца праблемы, пазначаныя грамадзянамі ў зваротах і на асабістых прыёмах. У мясцовыя органы ўлады і ў адрас парушальнікаў накіроўваюцца патрабаванні аб ліквідацыі даўгоў па зарплаце і павышэнні дысцыпліны разлікаў з работнікамі. За парушэнне тэрмінаў выплаты вінаватыя прыцягваюцца да адміністрацыйнай адказнасці.
Па дадзеных КДК, пратэрмінаваная запазычанасць па заработнай плаце на пачатак мая ў Віцебскай вобласці адсутнічала.