25 ліпеня, Віцебск /Дзіяна Курыло - БЕЛТА/. Камітэт дзяржаўнага кантролю Віцебскай вобласці ўстанавіў факты нездавальняючай уборкі рапсу, збожжавых і зерневых бабовых культур, звышлімітных страт алею, збожжа збожжаўборачнымі камбайнамі, паведамілі карэспандэнту БЕЛТА ў кантрольным ведамстве рэгіёна. Да ўборкі збожжавых і зерневых бабовых культур, паводле даных на 24 ліпеня, у вобласці прыступілі 20 з 21 раёна, акрамя Лёзненскага. На гэту дату збожжавыя і зерневыя бабовыя культуры ў вобласці былі ўбраны на плошчы 4,1 тыс.га, што складае 0,8% ад запланаванага. Намалочана 13,9 тыс.т збожжа пры сярэдняй ураджайнасці 34,2 ц/га. Летась на гэту дату збожжавыя і зерневыя бабовыя былі ўбраны на 8,4% плошчаў. КДК рэгіёна вывучыў сітуацыю з гатоўнасцю матэрыяльна-тэхнічнай базы і ходам уборкі ўраджаю ў шасці сельскагаспадарчых арганізацыях Талачынскага і Аршанскага раёнаў і ўстанавіў факты нездавальняючай уборкі крыжакветных, збожжавых і зерневых бабовых культур, звышлімітных страт алею, збожжа збожжаўборачнымі камбайнамі. Так, у ААТ "Коханава-Агра" Талачынскага раёна ў дзень праверкі пяццю збожжаўборачнымі камбайнамі вялася ўборка азімага рапсу ў адным з урочышчаў на плошчы 13 га. Адным збожжаўборачным камбайнам дапускаліся звышлімітныя страты алею каля 0,2 ц/га. Па патрабаванні супрацоўнікаў КДК камбайн быў спынены, праведзена герметызацыя вечка камеры, з-за якой адбываліся страты. У КСУП "СГЦ "Задняпроўскі" Аршанскага раёна ў дзень праверкі вялася ўборка азімай пшаніцы на плошчы 153 га, дзе меліся ўчасткі палеглых збожжавых. Аднак толькі 6 з 11 камбайнаў былі абсталяваны поўным камплектам сцеблапад'ёмнікаў. Устаноўлена, што двума камбайнамі дапускаліся звышлімітныя страты збожжа. З-за таго, што яны працавалі на высокім зрэзе з няпоўным камплектам сцеблапад'ёмнікаў на палеглых участках пшаніцы, імі дапускаліся звышлімітныя страты збожжа прыкладна 0,6 ц/га ў незрэзаных коласах. Акрамя таго, кантрольна-аналітычныя мерапрыемствы паказалі, што фактычная гатоўнасць збожжаўборачных камбайнаў і збожжаачыстна-сушыльных комплексаў у некаторых з правераных гаспадарак была нізкай, у асобных гаспадарках не было дастатковага запасу паліва.-0-

БЕЛТА