У Полацку сёння назавуць пераможцаў першага адкрытага раённага конкурсу праваслаўнай літаратурна-музычнай творчасці "Дабравест над Полацкам". Як распавяла карэспандэнту БЕЛТА кіраўнік аддзела па ўзаемаадносінах царквы і грамадства Полацкай епархіі Беларускай праваслаўнай царквы Іна Шаховіч, гала-канцэрт пераможцаў стане адным з ключавых мерапрыемстваў традыцыйных "Калядных сустрэч".
У Полацку сёння назавуць пераможцаў першага адкрытага раённага конкурсу праваслаўнай літаратурна-музычнай творчасці "Дабравест над Полацкам". Як распавяла карэспандэнту БЕЛТА кіраўнік аддзела па ўзаемаадносінах царквы і грамадства Полацкай епархіі Беларускай праваслаўнай царквы Іна Шаховіч, гала-канцэрт пераможцаў стане адным з ключавых мерапрыемстваў традыцыйных "Калядных сустрэч".
Ужо на працягу 20 гадоў Полацкая епархія ў калядныя дні праводзіць тэматычныя святочныя мерапрыемствы. У апошняе дзесяцігоддзе яны праходзяць пад адзінай назвай "Калядныя сустрэчы" і збіраюць у Полацку прадстаўнікоў Віцебскага аблвыканкама і абласнога Савета дэпутатаў, кіраўнікоў раёнаў, якія адносяцца да Полацкай епархіі (іх 11). "Сёлета "Калядныя сустрэчы" маюць свае асаблівасці. На свяце адбудзецца ўшанаванне пераможцаў творчага конкурсу "Дабравест над Полацкам". Ён праводзіўся ўпершыню і выклікаў вялікую цікавасць - мы атрымалі каля 150 заявак ад жыхароў Полацка і аднайменнага раёна, а таксама наваполачан. Сёння адбудзецца канцэрт лаўрэатаў і пройдзе цырымонія ўзнагароджання пераможцаў у розных намінацыях", - распавяла кіраўніца аддзела епархіі.
Ірына Шаховіч адзначыла, што журы, якое яна ўзначальвала, з-за вялікай колькасці канкурсантаў і разнастайнасці намінацый давялося нялёгка. "Але ўсе цяжкасці ўжо ззаду, зараз нам радасна, што на конкурсе адбылося мноства прыемных адкрыццяў, мы даведаліся шмат новага, пазнаёміліся з таленавітымі людзьмі самых розных узростаў. Адным з самых яркіх уражанняў стала 4-гадовая дзяўчынка", - адзначыла прадстаўніца епархіі. Яна таксама паведаміла, што пераможцаў павіншуе асабіста архіепіскап Полацкі і Глыбоцкі Феадосій. Чакаецца, што ў святочных мерапрыемствах возьмуць удзел намеснік старшыні аблвыканкама Уладзімір Пянін, старшыня абласнога Савета дэпутатаў Уладзімір Церанцьеў, старшыня Полацкага райвыканкама Мікалай Шаўчук.
Акрамя таго, пад эгідай "Калядных сустрэч" 13 студзеня ў Полацку адбудзецца архіерэйская ёлка. На свята запрошаны выхаванцы інтэрнатных устаноў, дзеці з шматдзетных і малазабяспечаных сем'яў, а таксама педагогі і полацкія школьнікі. Для гасцей падрыхтавана канцэртная праграма і падарункі. З светлым святам Каляд дзяцей павіншуе архіепіскап Полацкі і Глыбокскі Феадосій.
Таксама ў Полацку чакаюць мітрапаліта Мінскага і Заслаўскага Паўла, Патрыяршага Экзарха ўсяе Беларусі. Плануецца, што 12 студзеня ён правядзе службу ў Спаса-Еўфрасіннеўскім жаночым манастыры.
Навіны Беларусі (БЕЛТА)