30 верасня, Віцебск /Вольга Багачова - БЕЛТА/. Віцебскія мытнікі затрымалі найбуйнейшую сёлета партыю кантрабанднага адзення, паведаміў карэспандэнту БЕЛТА начальнік аператыўна-пошукавага аддзела Віцебскай мытні Пётр Маркачэўскі. На рэспубліканскім памежным пункце мытнага афармлення "Урбаны" Браслаўскага раёна пры даглядзе транспартнага сродку, які рухаўся з Латвіі ва Украіну, супрацоўнікі Віцебскай мытні выявілі кантрабандны тавар. Пад выглядам рыбных кансерваў у машыне перавозіліся дэмісезонныя курткі, кошт якіх ацэньваецца больш чым у Br10 млрд. Вага тавару склала звыш 20 т. У цяперашні час тавар выгружаецца, праводзіцца яго пералік. Пасля гэтага пачнецца адміністрацыйны працэс па факце ўвозу на тэрыторыю адзінай мытнай прасторы кантрабанднага грузу. Канфіскаванае адзенне будзе канфіскавана. -0-

БЕЛТА