Рэспубліканская патрыятычная акцыя «Дарогамі мужнасці і стойкасці» праходзіць па населеных пунктах Беларусі, узнагароджаных вымпелам «За мужнасць і стойкасць у гады Вялікай Айчыннай вайны». Па сутнасці, гэта беларускі аналаг звання горада-героя. Такой гонару ў нас удастоіліся 20 гарадоў, у тым ліку і горад Лепель, шэсць пасёлкаў і адна вёска.

Рэспубліканская патрыятычная акцыя «Дарогамі мужнасці і стойкасці» праходзіць па населеных пунктах Беларусі, узнагароджаных вымпелам «За мужнасць і стойкасць у гады Вялікай Айчыннай вайны». Па сутнасці, гэта беларускі аналаг звання горада-героя. Такой гонару ў нас удастоіліся 20 гарадоў, у тым ліку і горад Лепель, шэсць пасёлкаў і адна вёска.

У зале раённага Дома культуры сабраліся прадстаўнікі мясцовай улады, Лепельскага благачыння, працоўных калектываў раёна, прадстаўнікі грамадскіх арганізацый і аб'яднанняў, а таксама іншыя неабыякавыя лепельчане.

У ролі спікераў выступілі Ігар Урбан, старшыня раённага Савета дэпутатаў, Алена Барадзейка, начальнік аддзела ідэалагічнай работы, культуры і па справах моладзі райвыканкама, а таксама Аляксандр Клімовіч, намеснік па ідэалагічнай рабоце вайсковай часці 28443.

— Патрыятычная акцыя «Дарогамі мужнасці і стойкасці» стартавала ў Беларусі 20 чэрвеня і была ініцыіравана дзяржаўна-грамадскім аб'яднаннем «Веды». Акцыя ахопіць 27 гарадоў і населеных пунктаў, якія ўзнагароджаны вымпелам «За мужнасць і стойкасць у гады Вялікай Айчыннай вайны». Сярод іх — Лепель, — пачала сустрэчу Алена Барадзейка.

Далей для ўвагі гледачоў быў прадэманстраваны фільм, падрыхтаваны раённым краязнаўчым музеем і Лепельскім тэлебачаннем. На вялікім экране — жудасныя кадры спаленых вёсак Лепельскага раёна і горкія факты той страшнай вайны.

— Мы павінны пра гэта памятаць! Наш раён — адно з тых месцаў, дзе вайна пакінула непапраўны след у гісторыі. Паводле звестак архіва, за гады вайны на Лепельшчыне забіта 4700 чалавек, у тым ліку 1600 жанчын, 550 дзяцей, 903 чалавекі былі вывезены ў Германію на катаржныя працы. Акцыя «Дарогамі мужнасці і стойкасці» заклікае нас успомніць сваіх землякоў, якія ў гады вайны выйшлі на абарону Радзімы, міру, светлай будучыні. Мы павінны ведаць і шанаваць сваю гісторыю, сваіх герояў. Гэтая акцыя — заклік гаварыць праўду, — падкрэсліў Ігар Урбан.

Таксама перад аўдыторыяй выступіў Аляксандр Клімовіч, прадстаўнік вайсковай