Лепельскі лясгас — лідар у вобласці па выніках працы за 2020 год

У Віцебскім ДПЛГА прайшла выніковая калегія па выніках работы за 2020 год, у якой прыняў удзел намеснік Міністра лясной гаспадаркі Уладзімір Крэч.

Прыемна адзначыць, што Лепельскі лясгас прызнаны лепшым па выніках работы ў мінулым годзе. А гэта сведчыць аб тым, што на прадпрыемстве выразна бачаць перспектыву і граматна распараджаюцца наяўным лясным рэсурсам.

Як адзначыў Андрэй Бародзіч, дырэктар дзяржаўнай лесагаспадарчай установы «Лепельскі лясгас» Віцебскага вытворчага лесагаспадарчага аб'яднання, асноўным відам дзейнасці лясгаса з'яўляецца лесааднаўленне і лясаразвядзенне, узнаўленне і ахова лесу. Дадзеная праца вядзецца на пастаяннай аснове. У мінулым годзе лесааднаўленне праведзена на плошчы 304 гектары, у тым ліку праведзена пасадка на плошчы 255 гектараў. Выканана даведзенае заданне па ўводзе маладнякоў у катэгорыю гаспадарча-каштоўных. Усяго ўведзена 223 гектары, у тым ліку за кошт лясных культур 141 гектар.

У 2020 годзе нарыхтавана 112 кілаграмаў насення лясных раслін, у тым ліку іглічных — 50. Рэзервовы фонд насення складае: хвоі звычайнай — 59 кілаграмаў, елкі еўрапейскай — 239 кілаграмаў. Для атрымання ў будучыні насення елкі палепшанай якасці ў 2020 годзе закладзена лесанасенная плантацыя елкі еўрапейскай II парадку на плошчы 12,4 гектара. Вядзецца праца ў пітомніцкай гаспадарцы, дзе вырашчана больш за 3 мільёны штук пасадачнага матэрыялу, з якіх 500 тысяч штук рэалізавана. Выручка пітомніка за 2020 год склала 63 тысячы рублёў.

Па ўсіх відах высечак у 2020 годзе нарыхтавана 220 тысяч кубічных метраў драўніны. Разліковая лесасека асвоена на 100 працэнтаў. Акрамя таго, у парадку датэрміновай высечкі асвоена 5,4 тысячы кубічных метраў іглічнай лесасекі. На высечках прамежкавага карыстання нарыхтавана 73 тысячы куб. м ліквіднай драўніны, у тым ліку дзелавой 41,7 тыс. куб. м. Лепельскім лясгасам прымаюцца меры для павелічэння аб'ёмаў нарыхтоўкі, як уласнымі сіламі, так і з прыцягненнем паслуг. Для павелічэння долі выхаду дзелавой драўніны вядзецца яе сартаванне на ўсіх этапах нарыхтоўкі, пачынаючы з лесасекі і заканчваючы адпускам канчатковаму спажыўцу.

Лепельскі лясгас экспартуе як піламатэрыялы, так і вырабы, вырабленыя з нізкасортнай мелкатаварнай драўніны, такія як слупы

акараненыя, калы дыяметрам 4-6 см. Доля экспарту склала 71 працэнт. З агульнага аб'ёму нарыхтаванай драўніны выхад дзелавой склаў 65,5 працэнта.

Дзейнасць Лепельскага лясгаса накіравана на пастаяннае пашырэнне вытворчасці, паглыбленую перапрацоўку, абнаўленне абсталявання і машыннага парку, следствам чаго з'яўляецца выпуск прадукцыі з высокім дабаўленым коштам. Агульны аб'ём інвестыцый у асноўны капітал у 2020 годзе склаў 2,8 мільёна рублёў. Асноўныя напрамкі інвестыцый — гэта набыццё аўтранспарту, лесанарыхтоўчай тэхнікі, абсталявання, будаўніцтва і рэканструкцыя будынкаў і збудаванняў. У цяперашні час тэхніка, якая маецца на прадпрыемстве, дазваляе выконваць неабходны аб'ём па нарыхтоўцы і вывазцы драўніны. Лясгас пры выбары машын і абсталявання ў першую чаргу аддае перавагу айчынным аналагам гэтых машын.