17 ліпеня, Віцебск /Дзіяна Курыла - БЕЛТА/. Леў Лешчанка аддае перавагу кампрамісу канфлікту і перакананы, што заўсёды можна дамовіцца. Аб сваім галоўным жыццёвым прынцыпе спявак, народны артыст Расіі, расказаў на "Зорным часе" - традыцыйнай сустрэчы журналістаў са знакамітасцямі - удзельнікамі міжнароднага фестывалю мастацтваў "Славянскі базар у Віцебску". "Трэба шукаць кампраміс, а не ісці на канфлікт. Кампраміс - гэта самае галоўнае ў жыцці", - лічыць артыст. Да такой высновы ён прыйшоў дзякуючы прафесіі. Бо артыст - гэта чалавек, якому патрэбна зваротная сувязь са сваёй публікай. "Хоць мастацтвам заўсёды кіруе канфлікт, такія тэатр, кіно, але эстрада - адзіны від мастацтва, якому неабходны кампраміс - кампраміс паміж артыстам і гледачом", - растлумачыў мэтр. Магчыма, менавіта гэты мудры погляд на жыццё дазваляе Льву Валерыянавічу не мець ворагаў і спакойна ставіцца да некарэктных, а часам і паклёпніцкіх выпадаў, якія з'яўляюцца часам у СМІ. "Ёсць прэса добрая, стваральная, а ёсць такая, якая шукае іншыя шляхі. Артыст не павінен звяртаць увагі на такія рэчы. Я б сам патэлефанаваў такому журналісту, пагаварыў, упэўнены, што канфлікт быў бы вычарпаны", - сказаў ён. Між тым Леў Лешчанка згодны і са словамі з песні Андрэя Макарэвіча: "Не трэба прагінацца пад зменлівы свет". "Я са сваімі крыўдзіцелямі разбіраюся сам", - дадаў ён. -0-

БЕЛТА