27 мая, Віцебск /Алена Ціханава - БЕЛТА/. Пераможцамі конкурсу "Лепшы прадпрымальнік 2012 года Віцебскай вобласці" сталі 10 суб'ектаў гаспадарання, перадае карэспандэнт БЕЛТА.
Па выніках конкурсу ў намінацыі "Лепшы прадпрымальнік у сферы вытворчасці прамысловых тавараў" пераможцам стала ТАА "Вытворчае прадпрыемства "Карто-пак" (Полацк). Лепшым прадпрымальнікам у сферы будаўнічай дзейнасці прызнана ТАА "Будаўнічая кампанія РУМстрой" (Віцебск). У сферы рознічнага гандлю лепшым прызнана ТАА "Практык-Полацк" (Полацк), у сферы грамадскага харчавання - ТАА "Арэна-піца" (Віцебск). Пераможцам абласнога конкурсу ў сферы медыцынскай і фармацэўтычнай дзейнасці прызнана АПППП "Вік - здароўе жывёл" (Віцебск). Лепшым суб'ектам інфраструктуры падтрымкі прадпрымальніцтва стала ККУП "Віцебскі абласны цэнтр маркетынгу" (Віцебск). У сферы інавацыйнай дзейнасці перамога дасталася ППТУП "Вітбудтэхмаш" (Віцебск). Лепшай арганізацыяй з замежнымі інвестыцыямі названа СТАА "АкнаІнвест" (Віцебск), лепшым прадпрыемствам-экспарцёрам - СТАА "ЛЛК-НАФТАН" (Наваполацк), лепшым прадпрымальнікам-арганізатарам працоўных месцаў - ТАА "Альянспласт" (Віцебск).
Памятныя знакі і дыпломы пераможцам і лаўрэатам конкурсу "Лепшы прадпрымальнік 2012 года Віцебскай вобласці" уручыў намеснік старшыні аблвыканкама Алег Мацкевіч. Ён падкрэсліў, што стварэнне спрыяльных умоў для фарміравання і функцыянавання прадпрымальніцкага асяроддзя з'яўляецца адным з найважнейшых нацыянальных прыярытэтаў. "Прадпрымальніцтву адводзіцца важная роля ў стварэнні ўнутранага рэгіянальнага прадукту вобласці, павышэнні канкурэнтаздольнасці выпускаемай прадукцыі, прадукцыйнасці працы, эфектыўнасці знешнеэканамічнай дзейнасці і прыцягненні інвестыцый", - сказаў Алег Мацкевіч.
У цяперашні час у малой і сярэдняй бізнэсе вобласці заняты больш за 150 тыс. чалавек, або 27% працоўных у народнай гаспадарцы. Ажыццяўляюць дзейнасць 26 тыс. індывідуальных прадпрымальнікаў, больш за 9 тыс. прадпрыемстваў сферы бізнесу.-0-