Прэзідэнт Беларусі Аляксандр Лукашэнка 20 жніўня правядзе перамовы з Прэзідэнтам Ірана Масудам Пезешкіанам, які 19 жніўня прыбывае ў Мінск з афіцыйным візітам. Пра гэта БЕЛТА паведамілі ў прэс-службе беларускага лідара.
Сустрэча кіраўнікоў дзяржаў пройдзе ў Палацы Незалежнасці ў вузкім і пашыраным фарматах, пасля чаго адбудзецца падпісанне двухбаковых дакументаў, накіраваных на пашырэнне партнёрства дзвюх дзяржаў.
Аляксандр Лукашэнка і Масуд Пезешкіан, як плануецца, абмяркуюць супрацоўніцтва Беларусі і Ірана ў сферах гандлю, інвестыцый і прамысловай кааперацыі, рэалізацыю сумес ных ініцыятыў у навуцы, тэхналогіях, адукацыі, а таксама ўзаемадзеянне дзяржаў у рамках міжнародных структур, у тым ліку ЕАЭС, ШАС, БРІКС, ААН.
У цэнтры ўвагі будуць і пытанні забеспячэння рэгіянальнай і міжнароднай бяспекі.