Прэзідэнт Беларусі Аляксандр Лукашэнка падкрэслівае, што атрыманне ўласнай, айчыннай вакцыны ад COVID-19 з'яўляецца справай гонару кіраўніцтва Мінздава і Нацыянальнай акадэміі навук.
Прэзідэнт Беларусі Аляксандр Лукашэнка падкрэслівае, што атрыманне ўласнай, айчыннай вакцыны ад COVID-19 з'яўляецца справай гонару кіраўніцтва Мінздава і Нацыянальнай акадэміі навук. Пры гэтым такая вакцына павінна быць самай лепшай. Аб гэтым Прэзідэнт Беларусі Аляксандр Лукашэнка заявіў сёння на сустрэчы з міністрам аховы здароўя Беларусі Дзмітрыем Піневічам, перадае карэспандэнт БЕЛТА.
"Айчынная вакцына - справа гонару Гусакова і Піневіча, Мінздава і Нацыянальнай акадэміі навук, у найкароткія тэрміны зрабіць самую лепшую вакцыну. Чаму самую лепшую - таму што вопыт ужо ёсць. І ў расіян, і ў еўрапейцаў, і ў кітайцаў, у індусаў. Шмат хто ўжо вырабляе гэтыя вакцыны. Мы ўжо нешта ведаем, мы не на голым месцы гэта робім", - заявіў кіраўнік дзяржавы.
Паводле яго слоў, калі будзе неабходна, то і кітайскі бок гатовы падтрымаць і дапамагчы Беларусі ў гэтым пытанні.
"Трэба ўстаць на плечы тых, хто гэта ўжо зрабіў, і зрабіць добрую вакцыну. Калі атрымаецца надзейная, якасная - 98-99% гарантыі - гэта будзе прарыў. Да добрага трэба імкнуцца", - падкрэсліў беларускі лідар.
Аляксандр Лукашэнка таксама пацікавіўся тэрмінамі - на якім узроўні цяпер знаходзіцца праца беларускіх вучоных па распрацоўцы айчыннай вакцыны. "Мы дамаўляліся, што ў будучым годзе мы ўжо атрымаем уласную вакцыну. А да гэтага часу мы правакцынуем практычна ўсё сваё насельніцтва - 60% на першым этапе. Трэба - дадамо больш. Але пакупной вакцынай і якую вырабім па расійскіх тэхналогіях", - сказаў Прэзідэнт.
Ён адзначыў, што ў Беларусі ствараюцца дадатковыя да расійскіх магутнасці па вытворчасці вакцыны, і не выключана, што гэты прадукт, які ствараецца па расійскай тэхналогіі, будзе ў выніку запатрабаваны не толькі ў Беларусі, але і ў самой Расіі.
Прэзідэнт цікавіўся ходам вакцынацыі насельніцтва ў Беларусі, адзначыўшы, што ў краіне няма ажыятажу ў гэтым плане. "У нас спакойна ідзе ўсё. Вакцын хапае. Ахвотных прышчэпліваем. Урачоў, настаўнікаў, работнікаў гандлю, хто мае непасрэдны кантакт, мы забяспечваем вакцынамі расійскімі і кітайскімі. Ёсць і іншыя прапановы, але нам пакуль хапае гэтага", - адзначыў ён.
Аляксандр Лукашэнка выказаў словы падзякі ў адрас старшыні КНР Сі Цзіньпіна за пастаўку на бясплатнай аснове 100 тыс. доз вакцын, і кітайскі бок таксама гатовы супрацоўнічаць у плане далейшых закупак прэпарата. "Нам сказалі: колькі трэба, столькі і забяспечаць. Аб расіянах я не кажу. Тут з прэзідэнтам Пуціным як дамовіліся, ён прапанаваў тады: вы будзеце першымі, каму мы паставім вакцыну. Ён выканаў сваё абяцанне. Мы атрымліваем планамерна гэтыя вакцыны і вырабілі па іх тэхналогіі", - сказаў кіраўнік дзяржавы.
Ён адзначыў, што плануе яшчэ наведаць РУП "Белмедпрэпараты", дзе рэалізуецца праект па разліве расійскай вакцыны "Спутник V". "Наша сённяшняя размова ні ў якім разе не адмяняе і не замяняе гэта мерапрыемства", - сказаў ён Дзмітрыю Піневічу.
Дзмітрый Піневіч
У цэлым Аляксандр Лукашэнка падкрэсліў, што людзям трэба даць самы шырокі спектр магчымасцей зрабіць прышчэпку ад каронавіруса, у тым ліку, хто жадае, на платнай аснове. "Людзі хочуць атрымаць вакцыну. Яны яе атрымаюць. Хтосьці хоча хутчэй, вакцыну іншых краін, добра, закупім. Няхай на платнай аснове. Не трэба гэта хаваць. Трэба адкрыць магчымасць і на платнай аснове камусьці правакцынавацца. Гэта справа кожнага чалавека", - падкрэсліў беларускі лідар.
Прэзідэнт таксама цікавіўся ў міністра бягучай эпідэміялагічнай сітуацыяй. Паводле яго слоў, сітуацыя складаецца нядрэнна. Акрамя таго, як паказвае практыка і Беларусі, і іншых краін, статыстыка па выяўляльнасці COVID-19 напрамую залежыць ад колькасці зробленых тэстаў. "Гэта такі маркер. Але не гэта галоўнае. Галоўнае - гэта пнеўманіі. З іх - ковідныя пнеўманіі. Лічбы мне таксама вядомыя. Мяне цікавіць дынаміка па пнеўманіях, у тым ліку ковідных, і прагноз на будучыню", - звярнуў увагу беларускі лідар.
Аляксандр Лукашэнка адзначыў, што ў цяперашні перыяд усяго каля 240-280 пацыентаў маюць патрэбу ў лячэнні з выкарыстаннем апаратаў ШВЛ, якіх у арганізацыях аховы здароўя маецца каля 2,5 тыс. Плюс да гэтага - наркозна-дыхальныя апараты. "Гэта значыць, мы 8-9% усяго толькі выкарыстоўваем. Ну і дзякуй богу. Таму мяне цікавяць дынаміка і прагноз", - сказаў Прэзідэнт.
Кіраўнік дзяржавы таксама пацікавіўся тым, якія высновы можна зрабіць, зыходзячы з назапашанага вопыту лячэння пацыентаў з каранавірусам, як Беларусь выглядае на фоне іншых краін.
Яшчэ адно пытанне, якое абмяркоўвалася на сустрэчы, - завяршэнне будаўніцтва некаторых аб'ектаў аховы здароўя. У прыватнасці, размова ішла аб рэканструкцыі аддзялення анестэзіялогіі і рэанімацыі з палатамі інтэнсіўнай тэрапіі для нованароджаных у РНПЦ "Маці і дзіця", будаўніцтве корпуса хірургіі і транспланталогіі па вул.Семашко ў Мінску, будаўніцтве кардыяхірургічнага корпуса ў Магілёўскай абласной бальніцы. "Гэта тры аб'екты, якія мы ў гэтым годзе павінны практычна скончыць. Не зацягваць будаўніцтва, таму што гэта дорага абыходзіцца", - звярнуў увагу Аляксандр Лукашэнка.
БЕЛТА